ബലാൽസം​ഗക്കേസിൽ ജയിലിലായ ദേരാ സച്ചാ സൗദ നേതാവ് റാം റഹീമിന് വീണ്ടുമൊരു പരോൾ

ആശ്രമത്തിലെത്തിയ അനുയായിയെ ബലാൽസം​ഗം ചെയ്ത കേസിൽ ജയിലിൽ കഴിയുന്ന ദേരാ സച്ചാ സൗദ നേതാവ്  റാം റ​ഹിം സിങ്ങിന് വീണ്ടും പരോൾ. ഹരിയാന സർ​ക്കാരാണ് റാം റഹിം സിങ്ങിന് 21 ദിവസത്തെ പരോൾ അനുവദിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

നിർണായക വോട്ട് ബാങ്കാണ് ദേരാ സച്ചാ വിഭാ​ഗം. അതിനാൽ തന്നെ സംസ്ഥാന സർക്കാർ തിരഞ്ഞെടുപ്പുകൾക്കു മുന്നോടിയായും അല്ലാതെയും ഒട്ടേറെ തവണയാണ് റാം സിങ്ങിന് പരോൾ അനുവദിക്കുന്നത്. ഇത്തവണ പരോളിലിറങ്ങുന്ന റാം സിങ് ബാ​ഗ്പട്ടിലെ ആശ്രമത്തിൽ തന്നെ കഴിയുമെന്നാണ് വിവരം.

താൽക്കാലിക വിടുതലിനുള്ള അപേക്ഷ ബന്ധപ്പെട്ട അധികാരി ഏകപക്ഷീയമായോ താൽപര്യത്തോടെയോ ആവരുത് പരി​ഗണിക്കുന്നതെന്ന് പഞ്ചാബ്, ഹരിയാന ഹൈക്കോടതി പ്രസ്താവിച്ചതിനു പിന്നാലെയാണ് റാം സിങ്ങിന് പരോൾ അനുവദിച്ചിരിക്കുന്നത്.

ALSO READ: ബലാല്‍സംഗക്കേസില്‍ 10 മാസത്തിനിടെ 7 തവണ പരോളിലിറങ്ങിയ റാം റഹീം വീണ്ടും പരോളിന്

News Tag Live യുട്യൂബ് ചാനല്‍ Subscribe ചെയ്യുക