ഇടത് പാർട്ടികളെ മന്ത്രിസഭയിലേക്ക് ക്ഷണിച്ച് നിതീഷ് കുമാർ; മന്ത്രിസഭാ വികസനം ഈ മാസം 16ന്

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പട്‌ന: മഹാഗഡ്ബന്ധൻ സർക്കാർ മന്ത്രിസഭയിൽ അംഗമാകാൻ ഇടത് പാർട്ടികളെ കൂടി ക്ഷണിച്ച് ബിഹാർ മുഖ്യമന്ത്രി നിതീഷ് കുമാർ. ഈ മാസം 16 നാണ് മഹാസഖ്യ സർക്കാരിന്റെ മന്ത്രിസഭാ വികസനം.

എന്നാൽ 12 അം​ഗങ്ങളുളള  സി.പി.ഐ.എം.എൽ ലിബറേഷൻ മന്ത്രിസഭയുടെ ഭാഗമാവില്ലെന്ന് പാർട്ടി ജനറൽ സെക്രട്ടറി ദീപാങ്കർ ഭട്ടാചാര്യ നേരത്തെ തന്നെ വ്യക്തമാക്കിയിരുന്നു.

ബി.ജെ.പിയെ അധികാരത്തിൽ നിന്ന് അകറ്റാൻ നിതീഷ് കുമാറിനെ പുറത്തുനിന്ന് പിന്തുണയ്ക്കും. ഞങ്ങൾ മന്ത്രിസഭയുടെ ഭാഗമാവില്ല. പുറത്ത് നിന്ന് ഞങ്ങൾ ഈ പ്രസ്ഥാനത്തെ മുന്നോട്ട് കൊണ്ടുപോകുമെന്നുമായിരുന്നു അദ്ദേഹത്തിന്റെ പ്രതികരണം. 

അതേസമയം, പുതിയ നിധീഷ് മന്ത്രിസഭയെ പുറത്തുനിന്ന് പിന്തുണക്കാനാണ് സി.പി.ഐ.എമ്മിന്റേയും സി.പി.ഐയുടേയും തീരുമാനം. രണ്ട് പാർട്ടികൾക്കും രണ്ട് വീതം എം.എൽ.എമാരാണ് ബിഹാറിലുള്ളത്

News Tag Live യുട്യൂബ് ചാനല്‍ Subscribe ചെയ്യുക