26
Nov 2024
Sun
തിരുവനന്തപുരം: ‘ഫിലമെന്റ് രഹിത കേരളം’ പദ്ധതിയുടെ ഭാഗമായി അടിപൊളി ഓഫര് മുന്നോട്ടുവച്ച് കെഎസ്ഇബി. ബിപിഎല് കുടുംബങ്ങള്ക്കും അങ്കണവാടികള്ക്കും സര്ക്കാര് ആശുപത്രികള്ക്കും ബള്ബുകള് സൗജന്യമായി ലഭിക്കും. പുതുതായി ഗാര്ഹിക കണക്ഷനെടുക്കുന്നവര്ക്കും രണ്ട് ബള്ബ് സൗജന്യമാണ്. പദ്ധതി പ്രകാരം രണ്ട് എല്ഇഡി ബള്ബ് എടുത്താല് ഒന്ന് ഫ്രീയാണ്.
 |
|
‘ഫിലമെന്റ് രഹിത കേരളം’ പദ്ധതിയുടെ ഭാഗമായാണ് ബള്ബുകള് വിതരണം ചെയ്യുന്നത്. ഈ വര്ഷം ഇതുവരെ 6,89,906 ഉപയോക്താക്കള് പദ്ധതിയില് രജിസ്റ്റര് ചെയ്തിട്ടുണ്ട്. പദ്ധതിയുടെ ഭാഗമായി വാങ്ങിയ 1.17 കോടി ബള്ബുകളില് 1.15 കോടി 14.77 ലക്ഷം വിതരണം ചെയ്തു. 74 കോടിയിലധികം രൂപ ഈയിനത്തില് കെഎസ്ഇബിക്ക് വരുമാനമായി ലഭിച്ചതായാണ് കണക്ക്.
സംസ്ഥാനത്തെ വിവിധ ഓഫീസുകളിലായി അവശേഷിക്കുന്ന രണ്ട് ശതമാനം ബള്ബുകളാണ് ഓഫറോടെ നല്കുന്നത്. മൂന്നുവര്ഷം ഗ്യാരന്റിയുള്ള എല്ഇഡി ബള്ബുകള്ക്ക് 65 രൂപയാണ് വില. കെഎസ്ഇബിയുടെ വെബ് പോര്ട്ടലില് രജിസ്റ്റര് ചെയ്തവര്ക്ക് ബള്ബിന്റെ വില വൈദ്യുതി ബില്ലിന്റെ കൂടെ ഒന്നിച്ചോ തവണകളായോ അടയ്ക്കാന് കഴിയും.
ബള്ബ് വിതരണത്തിലൂടെ 26 ലക്ഷം കൂടി ഉപയോക്താക്കളില്നിന്ന് കെഎസ്ഇബിക്ക് കിട്ടാനുണ്ട്. ഈ തുക പിരിച്ചെടുക്കാനും LED സ്റ്റോക്ക് അധികമുള്ള ഓഫീസുകളില്നിന്ന് ആവശ്യമുള്ള സ്ഥലങ്ങളിലേക്ക് നല്കാനും വിതരണ ചുമതലയുള്ള ചീഫ് എന്ജിനിയര്മാര്ക്ക് KSEB നിര്ദേശം നല്കി.
ഊര്ജ കേരള മിഷന്റെ നേതൃത്വത്തിലാണ് ഫിലമെന്റ് രഹിത കേരളം പദ്ധതി കെഎസ്ഇബി നടപ്പാക്കുന്നത്. ഫിലമെന്റ്, സിഎഫ്എല് ബള്ബുകള് പൂര്ണമായി ഒഴിവാക്കി എല്ഇഡി ബള്ബുകള് സ്ഥാപിച്ച്, പരിസ്ഥിതി സൗഹൃദമാക്കി മാറ്റുകയാണ് പദ്ധതിയിലൂടെ. നടത്തിപ്പിനായി എനര്ജി മാനേജ്മെന്റ് സെന്റര് കേരളയും കെഎസ്ഇബിക്കൊപ്പം കൈകോര്ക്കുന്നുണ്ട്.
Buy two LED bulbs, get one free offer by KSEB
Latest News
Trending
More Stories
All Rights Reserved © 2022