25
Nov 2024
Wed
തിരുവനന്തപുരം: റേഷന് കാര്ഡുകളിലെ തെറ്റു തിരുത്താന് കാര്ഡ് ഉടമകള്ക്ക് അവസരം നല്കാനും അനധികൃതമായി മുന്ഗണനാ കാര്ഡുകള് കൈവശം വെച്ചിരിക്കുന്നവരെ കണ്ടെത്തി നടപടി സ്വീകരിക്കാനും തീരുമാനിച്ച് സംസ്ഥാന ഭക്ഷ്യ പൊതുവിതരണ വകുപ്പ്. (Kerala State Food and Public Distribution Department has decided to give an opportunity to the card holders to correct the mistakes in the ration cards and to find and take action against those who are illegally holding priority cards.). ഇതിനായുള്ള സിവില് സപ്ലൈസ് വകുപ്പിന്റെ തെളിമ പദ്ധതി ഈ മാസം 15 ന് ആരംഭിക്കും. ഡിസംബര് 15 വരെ പദ്ധതി നീണ്ടു നില്ക്കും.
 |
|
പരാതികള് ഷേന് കടകളിലെ പെട്ടികളില് നിക്ഷേപിക്കുക
തെറ്റു തിരുത്താനും മാറ്റം വരുത്താനും കാര്ഡ് ഉടമകള് ഇതുപ്രകാരം റേഷന് കടകളില് പോയാല് മതി. റേഷന് കാര്ഡിലെ തെറ്റുകള് തിരുത്താനും പുതുതായി ആധാര് നമ്പര് ചേര്ക്കാനും ഇതോടൊപ്പം അവസരമുണ്ട്. കാര്ഡ് പുതുക്കലുമായി ബന്ധപ്പെട്ട് റേഷന് കാര്ഡ് മാനേജ്മെന്റ് സിസ്റ്റം (ആര്സിഎംഎസ്) നടപ്പാക്കിയപ്പോഴുണ്ടായ തെറ്റുകള് തിരുത്താനും വിവരങ്ങള് പുതുക്കാനും കൂടി അവസരമുണ്ട്. ഓരോ റേഷന് കടകളില് ഇതിനായി പ്രത്യേക പെട്ടികള് സ്ഥാപിച്ചുവരികയാണ്.
റേഷന് കടകള്ക്ക് മുന്നില് താഴിട്ടുപൂട്ടി സ്ഥാപിക്കുന്ന ഡ്രോപ് ബോക്സില് പരാതികളും അപേക്ഷകളും ഇടാം. അംഗങ്ങളുടെയും ഉടമയുടെയും പേര്, വയസ്സ്, മേല്വിലാസം, കാര്ഡ് ഉടമയുമായുള്ള ബന്ധം, അംഗങ്ങളുടെ തൊഴില് തുടങ്ങിയ വിവരങ്ങളിലെ തെറ്റുകള് അപേക്ഷകളില് തിരുത്തി നല്കണം. LPG കണക്ഷന്, വൈദ്യുതി കണക്ഷന് വിവരങ്ങളും അപേക്ഷയില് ചേര്ക്കാവുന്നതാണ്. മതിയായ രേഖകള്ക്കൊപ്പം വെള്ളപ്പേപ്പറില് തയാറാക്കിയ അപേക്ഷകളാണ് റേഷന് കടകളിലെ പ്രത്യേക പെട്ടികളില് നിക്ഷേപിക്കേണ്ടത്.
അനര്ഹമായി കൈവശം വച്ചിരിക്കുന്ന മുന്ഗണനാ, അന്ത്യോദയ അന്നയോജന കാര്ഡുകളെക്കുറിച്ചുള്ള വിവരങ്ങളും അറിയിക്കാം.
ഡിസംബര് 15 വരെയാണ് അപേക്ഷിക്കാനുള്ള സമയം. അതിനു ശേഷം അപേക്ഷകളും അനുബന്ധ രേഖകളും പരിശോധിച്ചു തുടങ്ങും. ബുക്ക് രൂപത്തിലെ കാര്ഡുകള് മാറ്റി സ്മാര്ട്ട് കാര്ഡുകളാക്കുന്നതിനു മുന്പു വിവരങ്ങള് എല്ലാം ശരിയാണെന്ന് ഉറപ്പാക്കുകയാണു തെളിമയിലൂടെ സര്ക്കാര് ലക്ഷ്യമിടുന്നത്.
മുന്ഗണനാവിഭാഗത്തിലെ മഞ്ഞ്, പിങ്ക് റേഷന് കാര്ഡ് അംഗങ്ങളുടെ കാര്ഡിലെ തെറ്റുകള് കാരണം മസ്റ്ററിങ്ങ് നിരസിക്കപ്പെട്ടവര്ക്കും ഇപ്പോഴത്തെ അവസരം ഉപയോഗിക്കാം. കാര്ഡിലെ തെറ്റുകള് തിരുത്തിയാല് ഇവര്ക്ക് വീണ്ടും മസ്റ്ററിങ്ങ് നടത്താനാകും.
അതേസമയം, റേഷന് കാര്ഡുകളില് രേഖപ്പെടുത്തിയ വരുമാനം, വീടിന്റെ വിസ്തീര്ണ്ണം, വാഹനങ്ങളുടെ വിവരം എന്നിവയില് മാറ്റം വരുത്താനുള്ള അപേക്ഷകള് തെളിമ പദ്ധതിയുടെ ഭാഗമല്ല. അത്തരം അപേക്ഷകള് ഓണ്ലൈന്ഴിയാണ് നീക്കേണ്ടതെന്ന് ജില്ലാ സപ്ലൈ ഓഫീസര് അറിയിച്ചു.
Chance to correct mistakes in ration card from 15
Latest News
More Stories
All Rights Reserved © 2022