22
May 2025
Sat
കൊച്ചി: കാലവര്ഷത്തേതിന് സമാനമായി കേരളത്തില് മഴ കനത്തു. ഇനിയുള്ള ദിവസങ്ങളിലും മഴ തുടരുമെന്നും സംസ്ഥാന വ്യാപകമായി എല്ലാ ജില്ലകളിലും ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു. രാവിലെ മുതല് കനത്ത മഴയാണ് രേഖപ്പെടുത്തിയത്. തിരുവനന്തപുരത്ത് ഇന്നലെ രാത്രിയുണ്ടായ ശക്തമായ മഴയിലും കാറ്റിലും വന് നാശനഷ്ടങ്ങളാണ് റിപ്പോര്ട്ട് ചെയ്തിരിക്കുന്നത്. നഗരത്തിന്റെ താഴ്ന്ന ഭാഗങ്ങളില് വെള്ളം കയറി. മരങ്ങള് കടപുഴകി വീണ് പലയിടത്തും നാശ നഷ്ടങ്ങളും റിപ്പോര്ട്ട് ചെയ്തിട്ടുണ്ട്.
 |
|
ഇതോടെ സംസ്ഥാനത്തെ കാലാവസ്ഥാ മുന്നറിയിപ്പ് പുതുക്കുകയും ചെയ്തു. കോട്ടയം, ഇടുക്കി, എറണാകുളം, തൃശ്ശൂര് ജില്ലകളില് മഴ കനക്കാന് സാധ്യതയുണ്ടെന്നും മണിക്കൂറില് 50 കിലോമീറ്റര് വരെ വേഗതയില് ശക്തമായ കാറ്റിനുള്ള സാധ്യതയും കാലാവസ്ഥാ വകുപ്പ് അറയിച്ചു.
നിലവിലെ മഴ മുന്നറിയിപ്പ് പ്രകാരം കണ്ണൂര്, കാസര്കോട് ജില്ലകളില് റെഡ് അലര്ട്ട് നിലവിലുണ്ട്. പത്തനംതിട്ട, കോട്ടയം, എറണാകുളം, ഇടുക്കി,തൃശ്ശൂര്,പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, ആലപ്പുഴ ജില്ലകളില് യെല്ലോ അലര്ട്ടാണ് നിലവിലുള്ളത്.
മഴ മുന്നറിയിപ്പുകളുടെ പശ്ചാത്തലത്തില് വടക്കന് കേരളത്തില് നിയന്ത്രണങ്ങള് ശക്തമാക്കിയിട്ടുണ്ട്. കോഴിക്കോട്, കണ്ണൂര്, കാസര്കോട്, ഇടുക്കി ജില്ലകളില് ക്വാറികളുടെ പ്രവര്ത്തനത്തിന് നിരോധനവും ഏര്പ്പെടുത്തി. കാസര്കോട്, കണ്ണൂര് ജില്ലയില് വിനോദസഞ്ചാര കേന്ദ്രങ്ങളില് നിയന്ത്രണമുണ്ട്. കാസര്കോഡ് ബീച്ചിലും റാണിപുരം ഉള്പ്പെടെയുള്ള വിനോദസഞ്ചാര കേന്ദ്രങ്ങളിലുമാണ് നിയന്ത്രണമേര്പ്പെടുത്തിയത്. ഇടുക്കിയില് കയാക്കിംഗ്, റാഫ്റ്റിംഗ്, കുട്ടവഞ്ചി സവാരി ട്രക്കിംഗ് എന്നിവ നിരോധിച്ചു. വയനാട്ടില് പുഴകളിലും വെള്ളക്കെട്ടുകളിലോ ഇറങ്ങരുതെന്നും അത്യാവശ്യത്തിനല്ലാതെയുള്ള യാത്രകള് ഒഴിവാക്കണമെന്നും ജില്ലാ ഭരണകൂടം അറിയിച്ചു.
Heavy rains in Kerala since morning, alert renewed; Kannur and Kasaragod on red alert, orange in 9 districts
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026