‘ഐവ’ജിദ്ദ, മക്ക ചാപ്റ്ററുകൾ സംയുക്ത നേതൃസംഗമം നടത്തി

മക്ക:ഐവ(ഇന്ത്യൻ വെൽഫയർ അസോസിയേഷൻ)യുടെ കീഴിൽ നടത്തുന്ന ഹജ്ജ് സേവന പ്രവർത്തനങ്ങൾ ഏകോപിപ്പിക്കുന്നതിനും ഊർജിതപ്പെടുത്താനും വേണ്ടിയാണ് ജിദ്ദ, മക്ക മേഖലകളിലെ നേതാക്കൾ ഒത്ത് ചേർന്നത്. അല്ലാഹുവിൻറെ അതിഥികളായി എത്തുന്ന ഹാജിമാർക്ക് പ്രയാസരഹിതമായി ഹജ്ജ് നിർവഹിച്ചു മടങ്ങുന്നതിന് ആവശ്യമായ സൗകര്യങ്ങൾ ഒരുക്കുന്നതിനെ കുറിച്ചായിരുന്നു പ്രധാന ചർച്ച.മക്ക അസീസിയയിലെ ‘ഐവ”ഓഫീസിൽ ചേർന്ന യോഗത്തിൽ ഹാരിസ് കണ്ണിപ്പൊയിൽ അധ്യക്ഷത വഹിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ജിദ്ദ ഐവ നേതാക്കളായ സലാഹ് കാരാടൻ നാസർ ചാവക്കാട്, ദിലീപ് താമരക്കുളം, ഹനീഫ ബരിക്ക തുടങ്ങിയവർ സംസാരിച്ചു. മക്കയിൽ ആദ്യമായി എത്തിച്ചേരുന്ന ഹാജിമാരുടെ വിവരങ്ങൾ ശേഖരിച്ച് ആവശ്യമായ മുന്നൊരുക്കങ്ങൾ നടത്തുക, മഹ്റമില്ലാതെ എത്തുന്ന വനിതാ തീർത്ഥാടകർക്ക് വനിത വളണ്ടിയർമാരുടെ പരിചരണം,മിനയിലും അസീസിയയിലും മറ്റും സജ്ജീകരിച്ച മെഡിക്കൽ സെൻ്ററുകളിൽ പ്രത്യേകം വളണ്ടിയർമാരുടെ സേവനം, അസീസിയയിലെ ഭക്ഷണ, പാനീയ വിതരണം
തുടങ്ങിയ വകുപ്പുകൾക്ക് പ്രത്യേക ഇൻചാർജുമാരെ നിയമിച്ചു.

അബൂബക്കർ വടക്കാങ്ങര, ഷൈൻ വെമ്പായം, അനസ് ആലപ്പുഴ, തുടങ്ങിയവർ ചർച്ചയിൽ പങ്കെടുത്തു.അൻവർ വടക്കാങ്ങര സ്വാഗതവും സക്കീർ കായംകുളം നന്ദിയും പറഞ്ഞു.
നവാസ് കോഴിക്കോട് ഖിറാഅത്ത് നടത്തി.