25
Dec 2024
Tue
തിരുവനന്തപുരം: ഒരിടവേളയ്ക്ക് ശേഷം കേരളത്തില് വീണ്ടും മഴകനക്കുന്നു. തെക്കു കിഴക്കന് ബംഗാള് ഉള്ക്കടലിനും ഭൂമധ്യ രേഖക്ക് സമീപമുള്ള ഇന്ത്യന് മഹാസമുദ്രത്തിനും മുകളിലായി സ്ഥിതി ചെയ്യുന്ന ന്യൂനമര്ദ്ദത്തിന്റെ സ്വാധീനഫലമായാണ് കേരളത്തില് മഴയെത്തുന്നത്. അടുത്ത നാലുദിവസം ഇടിമിന്നലോട് കൂടിയ മഴയ്ക്കാണ് സാധ്യതയുള്ളത്. ഇതുപ്രകാരം മറ്റന്നാള് മുതല് മൂന്നുദിവസം (ഡിസംബര് 12 മുതല് 14) ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയ നിലനില്ക്കുന്നു. ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് അറിയിച്ചു.
 |
|
യെല്ലോ അലര്ട്ട് ഇങ്ങനെ
വ്യാഴാഴ്ച: പത്തനംതിട്ട, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്.
വെള്ളിയാഴ്ച: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കാസര്കോട്.
ഈ ജില്ലകളില് ഒറ്റപ്പെട്ട സ്ഥലങ്ങളില് ശക്തമായ മഴയാണ് പ്രവചിക്കുന്നത്. ജാഗ്രതയുടെ ഭാഗമായാണ് ഈ ജില്ലകളില് കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു.
വരും മണിക്കൂറുകളില് ന്യൂനമര്ദ്ദം വീണ്ടും ശക്തിപ്രാപിച്ച് നാളെ (ഡിസംബര് 11) തെക്ക് പടിഞ്ഞാറന് ബംഗാള് ഉള്ക്കടലില് ശ്രീലങ്ക തമിഴ് നാട് തീരത്തിന് സമീപം എത്തിച്ചേരാന് സാധ്യതയുണ്ട്. ഇതിന്റെ ഫലമായാണ് സംസ്ഥാനത്ത് മഴ ശക്തമാകുന്നത്. വ്യാഴം, വെള്ളി ദിവസങ്ങളില് കേരള തീരത്തും വെള്ളിയാഴ്ച ലക്ഷദ്വീപ് തീരത്തും മത്സ്യബന്ധനത്തിനും വിലക്കുണ്ട്.
വ്യാഴം, വെള്ളി ദിവസങ്ങളില് കേരള തീരത്ത് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗത്തില് ശക്തമായ കാറ്റിനും മോശം കാലാവസ്ഥയ്ക്കും സാധ്യത നിലനില്ക്കുന്നതായും കേന്ദ്ര കാലാവസ്ഥാ വകുപ്പ് അറിയിച്ചു.
Kerala Rain Alert: Heavy rains again from Thursday; Yellow alert in 8 districts
Latest News
More Stories
All Rights Reserved © 2022