25
Jun 2025
Wed
തിരുവനന്തപുരം: ഒരാഴ്ചത്തെ ഇടവേളയ്ക്ക് ശേഷം കേരളത്തിൽ വീണ്ടും മഴ ശക്തിപ്പെടുന്നു. ഇതുപ്രകാരം ഇന്ന് 9 ജില്ലകളില് ശക്തമായ മഴയ്ക്ക് സാദ്ധ്യത ഉള്ളതിനാൽ ഇവിടെയെല്ലാം യെല്ലോ അലർട്ട് (Yellow Alert) പുറപ്പെടുവിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് ആണ് ഒറ്റപ്പെട്ട സ്ഥലങ്ങളില് ശക്തമായ മഴ കാലാവസ്ഥ വകുപ്പ് പ്രവചിച്ചത്.
 |
|
ഇടുക്കി ജില്ലയില് അടുത്ത മൂന്ന് മണിക്കൂറില് ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിക്കുന്നു.
നാളെ (ജൂണ് 12) മുതല് കേരളത്തിന് മുകളില് പടിഞ്ഞാറന്/വടക്കു പടിഞ്ഞാറന് കാറ്റ് ശക്തമാകാന് സാധ്യതയുണ്ട്. വടക്കു പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള ഒഡിഷയുടെ വടക്കന്തീരം, ഗംഗതട പശ്ചിമ ബംഗാള് എന്നിവയുടെ മുകളിലായി ചക്രവാതചുഴി സ്ഥിതിചെയ്യുന്നതാണ് കാറ്റിനും മഴയ്ക്കും സാദ്ധ്യത ഉണ്ടായത്.
കേരളത്തില് അടുത്ത 7 ദിവസം വ്യാപകമായ മഴയ്ക്ക് സാധ്യത ഉണ്ടെന്നും കാലാവസ്ഥ വകുപ്പ് മുന്നറിയിപ്പ് നൽകി. ജൂണ് 14 -16 തീയതികളില് ഒറ്റപ്പെട്ട അതി തീവ്ര മഴയ്ക്കും ജൂണ് 12 -16 വരെ ഒറ്റപ്പെട്ട അതിശക്തമായ മഴയ്ക്കും സാദ്ധ്യത കാണുന്നു.
അടുത്ത നാല് ദിവസത്തെ മഴ മുന്നറിയിപ്പ് ഇങ്ങനെ
ഓറഞ്ച് അലർട്ട്
നാളെ: കണ്ണൂർ, കാസറഗോഡ്
വെള്ളിയാഴ്ച: കോഴിക്കോട്, വയനാട്, കണ്ണൂർ, കാസറഗോഡ്
ശനിയാഴ്ച: ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്.
(ഈ ദിവസം കണ്ണൂർ, കാസർഗോഡ് ജില്ലകളിൽ ഓറഞ്ച് അലർട് ആണെങ്കിലും റെഡ് അലർട്ടിന് സമാനമായ അതിതീവ്ര മഴയ്ക്ക് സാധ്യതയാണ് പ്രവചിച്ചത്)
മഞ്ഞ അലർട്ട്
ഇന്ന്: പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസറഗോഡ്
നാളെ: കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട്
വെള്ളിയാഴ്ച: പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം
ശനിയാഴ്ച: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം
Kerala Rain Alert: Rain is intensifying again after a week’s break, yellow alert in 9 districts today; 4-day rain warning as follows
Latest News
More Stories
All Rights Reserved © 2022