20
Jul 2025
Fri
കനത്ത മഴ തുടരുന്ന സാഹചര്യത്തില് മൂന്ന് ജില്ലകള്ക്ക് നാളെ അതത് ജില്ലാ കലക്ടര്മാര് അവധി പ്രഖ്യാപിച്ചു. (Kerala Rain: Holiday for educational institutions tomorrow ) റെഡ് അലര്ട്ട് പ്രഖ്യാപിക്കുകയും ശക്തമായ മഴ മുന്നറിയിപ്പ് തുടരുകയും ചെയ്യുന്ന സാഹചര്യത്തിലാണ് കാസര്കോഡ്, കണ്ണൂര്, വയനാട് ജില്ലകളില് അവധി പ്രഖ്യാപിച്ചത്.
പ്രൊഫഷണല് കോളേജുകള്ക്കും, മതപഠന സ്ഥാപനങ്ങള്ക്കും, അംഗന്വാടികള്ക്കും, ട്യൂഷന് സെന്ററുകള്ക്കും, സ്പെഷ്യല് ക്ലാസുകള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്ക് അവധി ബാധകമല്ല.
 |
|
കാസര്കോഡ്
കാസര്ഗോഡ് ജില്ലയില് കേന്ദ്ര കാലാവസ്ഥാ വകുപ്പ് ജൂലൈ 19ന് ശനിയാഴ്ച റെഡ് അലര്ട്ട് പ്രഖ്യാപിച്ചിട്ടുണ്ട്. ജില്ലയില് കനത്ത മഴ തുടരുകയുംപ്രധാന നദികള് കരകവിഞ്ഞൊഴുകുകയും താഴ്ന്ന പ്രദേശങ്ങളില് വെള്ളം കയറുകയും ചെയ്തിട്ടുണ്ട് .
ഇതിന്റെ പശ്ചാത്തലത്തില് ജനസുരക്ഷയെ മുന്നിര്ത്തി ജൂലൈ 19ന് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് അവധി പ്രഖ്യാപിച്ചു.
ജില്ലയിലെ സ്കൂളുകള്, കോളേജുകള്, പ്രൊഫഷണല് കോളേജുകള്, കേന്ദ്രീയ വിദ്യാലയങ്ങള്, ട്യൂഷന് സെന്ററുകള്, മദ്രസകള്, അങ്കണവാടികള്, സ്പെഷ്യല് ക്ലാസുകള് എന്നിവയ്ക്ക് അവധി ബാധകമാണ്.
നേരത്തെ പ്രഖ്യാപിച്ച എല്ലാ പരീക്ഷകളും (പ്രൊഫഷണല്, സര്വകലാശാലാ, മറ്റു വകുപ്പ് പരീക്ഷകള് ഉള്പ്പെടെ) നിശ്ചയിച്ച പ്രകാരം തന്നെ നടക്കുന്നതാണ്. പരീക്ഷാ സമയങ്ങളില് മാറ്റമില്ല.
കണ്ണൂര്
കേന്ദ്ര കാലാവസ്ഥാ വകുപ്പ് കണ്ണൂര് ജില്ലയില് റെഡ് അലര്ട്ട് പ്രഖ്യാപിച്ചതിനാല് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ (19072025, ശനിയാഴ്ച) അവധി പ്രഖ്യാപിക്കുന്നു. ട്യൂഷന് സെന്ററുകള്, മതപഠന സ്ഥാപനങ്ങള്, സ്പെഷ്യല് ക്ലാസുകള് എന്നിവയ്ക്ക് അവധി ബാധകമായിരിക്കും.
വയനാട്
വയനാട് ജില്ലയില് റെഡ് അലര്ട്ട് പ്രഖ്യാപിക്കുകയും ശക്തമായ മഴ മുന്നറിയിപ്പ് തുടരുകയും ചെയ്യുന്ന സാഹചര്യത്തില് ജില്ലയിലെ റസിഡന്ഷ്യല് വിദ്യാഭ്യാസ സ്ഥാപനങ്ങള് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ ശനിയാഴ്ച (19725) അവധി പ്രഖ്യാപിച്ചു.
പ്രൊഫഷണല് കോളേജുകള്ക്കും, മതപഠന സ്ഥാപനങ്ങള്ക്കും, അംഗന്വാടികള്ക്കും, ട്യൂഷന് സെന്ററുകള്ക്കും, സ്പെഷ്യല് ക്ലാസുകള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്ക് അവധി ബാധകമല്ല
News Tag Live യുട്യൂബ് ചാനല് Subscribe ചെയ്യുക
Latest News
Trending
More Stories
All Rights Reserved © 2026