26
Dec 2024
Thu
തിരുവനന്തപുരം: തെക്കു പടിഞ്ഞാറന് ബംഗാള് ഉള്ക്കടലിന്റെ മുകളിലായി രൂപപ്പെട്ട ന്യൂനമര്ദ്ദം കൂടുതല് ശക്തമായതോടെ കേരളത്തില് ഒറ്റപ്പെട്ട മഴയ്ക്ക് സാധ്യതയ. വടക്കന് തമിഴ്നാട്, തെക്കന് ആന്ധ്രപ്രദേശ് തീരത്തിന് സമീപത്തേക്കു നീങ്ങാനാണ് സാധ്യത. തുടര്ന്ന് വടക്കു ദിശയില് ആന്ധ്രാ തീരത്തിന് സമാന്തരമായി സഞ്ചരിക്കാന് സാധ്യതയുണ്ടെന്നും ഇവിടെയും മഴയ്ക്കുള്ള സാധ്യതനിലനില്ക്കുന്നതായും കാലാവസ്ഥ വകുപ്പ് അറിയിച്ചു.
 |
|
ന്യൂനമര്ദ്ദത്തിന്റെ സ്വാധീനഫലമായി കേരളത്തില് അടുത്ത അഞ്ചു ദിവസം ഒറ്റപ്പെട്ട നേരിയ മഴയ്ക്ക് സാധ്യത നിലനില്ക്കുന്നു. സന്നിധാനം, പമ്പ, നിലയ്ക്കല് എന്നിവിടങ്ങളില് ആകാശം ഭാഗികമായി മേഘാവൃതമായിരിക്കും. നേരിയ മഴയ്ക്കും സാധ്യത കാണുന്നതായും കാലാവസ്ഥ വകുപ്പ് അറിയിച്ചു. എന്നാല് കേരളത്തില് എവിടെയും ഇന്ന് മുന്നറിയിപ്പുകള് ഇല്ല. അതേസമയം മത്സ്യത്തൊഴിലാളികള്ക്ക് മുന്നറിയിപ്പ് പുറപ്പെടുവിച്ചു.
തമിഴ്നാട് തീരം, അതിനോട് ചേര്ന്ന കന്യാകുമാരി പ്രദേശം, ഗള്ഫ് ഓഫ് മന്നാര്, തെക്കന് ആന്ധ്രാപ്രദേശ് തീരം, തെക്കു പടിഞ്ഞാറന് ബംഗാള് ഉള്ക്കടലിന്റെ വടക്കന് ഭാഗങ്ങള്, മധ്യ പടിഞ്ഞാറന് ബംഗാള് ഉള്ക്കടലിന്റെ തെക്കന് ഭാഗങ്ങള് എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത കാണുന്നുണ്ട്. മത്സ്യത്തൊഴിലാളികള് ജാഗ്രത പുലര്ത്തണമെന്ന് കാലാവസ്ഥ വകുപ്പ് അറിയിച്ചു.
Kerala Rain Updates: Low pressure area in Bay of Bengal; Isolated rain likely in Kerala today
Latest News
Trending
More Stories
All Rights Reserved © 2022