Kerala Rain updates: ഇന്ന് ഇടവിട്ട മഴ; രണ്ടിടത്ത് യെല്ലോ അലർട്ട്

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

Kerala Weather Updates: കൊച്ചി: കേരളത്തിൽ ഇന്നും ഒറ്റപ്പെട്ട ശക്തമായ മഴയ്ക്ക് സാദ്ധ്യത. എല്ലാ ജില്ലകളിലും ഇന്ന് ഇടവിട്ട തോതിൽ നേരിയ മഴയ്ക്ക് സാധ്യത ഉണ്ടെന്നു കാലാവസ്ഥ കേന്ദ്രം അറിയിച്ചു. വരും മണിക്കൂറിൽ തിരുവനന്തപുരം, കൊല്ലം, എറണാകുളം, തൃശൂർ ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. സംസ്ഥാനത്ത് അടുത്ത അഞ്ച് ദിവസം കൂടി മഴ തുടരും.

സംസ്ഥാനത്ത് ഇടവിട്ട തോതിൽ നേരിയ മഴയ്ക്കുള്ള സാധ്യതകളാണ് നിലവിലുള്ളത്. പത്തനംതിട്ട, ആലപ്പുഴ, കോട്ടയം, ഇടുക്കി, കണ്ണൂർ, കാസർകോട് ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.

മഴ സാദ്ധ്യത ഉള്ളതിനാൽ ഇന്ന് ആലപ്പുഴ, തൃശൂർ ജില്ലകളിൽ യെല്ലോ അലർട്ടാണ്.

നാളെ എറണാകുളം ജില്ലയിൽ മാത്രം ആണ് ഇതുവരെ യെല്ലോ അലേർട്ടാണ് നൽകിയത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളിൽ എല്ലാം പ്രവചിക്കപ്പെട്ടിരിക്കുന്നത്. പതിനെട്ടാം തീയതിവരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്നാണ് മുന്നറിയിപ്പുള്ളത്. രണ്ട് ചക്രവാതച്ചുഴി ഭീഷണി നിലനിൽക്കുകയാണ്. ഇക്കാരണത്താൽ പ്രവാചനത്തിൽ മാറ്റത്തിനും സാദ്ധ്യത കാണുന്നു.

തെക്കൻ തമിഴ്‌നാടിനു മുകളിലായി ചക്രവാതച്ചുഴി സ്ഥിതിചെയ്യുന്നുണ്ട്. ലക്ഷദ്വീപിന്‌ മുകളിലായി മറ്റൊരു ചക്രവാതച്ചുഴിയുണ്ട് സ്ഥിതിചെയ്യുന്നുണ്ട്.