കെഎം ഷാജിക്ക് ബള്‍ഗേറിയയില്‍ സ്വീകരണമൊരുക്കിയത് വിസാ തട്ടിപ്പുകാരനായ മദ്യവ്യവസായി?

മുസ്ലിം ലീഗ് നേതാവും മന്ത്രിയുമായ കെഎം ഷാജിയുടെ ബള്‍ഗേറിയന്‍ യാത്ര സ്‌പോണ്‍സര്‍ ചെയ്തത് കാനഡയിലെ മദ്യ വ്യവസായി ജോണ്‍ സേവ്യറെന്ന് സൂചന. വിസാ തട്ടിപ്പ് കേസിലെ പ്രതി കൂടിയായ ജോണ്‍ സേവ്യര്‍ മുസ്ലിം ലീഗ് മന്ത്രിയുടെ യാത്രയില്‍ സ്വീകരണമൊരുക്കിയത് വിവാദമായി മാറിയിട്ടുണ്ട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ബള്‍ഗേറിയയില്‍ നടന്ന ചടങ്ങില്‍ ജോണ്‍ സേവ്യര്‍ ഷാജിയെ വേദിയില്‍ അനുമോദിച്ചതിന്റെയും കൊച്ചി മുതല്‍ വിയന്ന വരെ അദ്ദേഹം മന്ത്രിക്കൊപ്പം ഉണ്ടായിരുന്നതിന്റെ വിവരങ്ങളും പുത്തുവന്നിട്ടുണ്ട്.

വിസാ തട്ടിപ്പുമായി ബന്ധപ്പെട്ട് എറണാകുളം സെന്‍ട്രല്‍ പോലീസ് സ്‌റ്റേഷനിലും കോട്ടയം ഈസ്റ്റ് പോലീസ് സ്‌റ്റേഷനിലും ജോണ്‍ സേവ്യറിനെതിരേ കേസുണ്ട്. ചെക്ക് റിപബ്ലിക്കിലേക്ക് എംബിഎ പഠനത്തിന് വിസ നല്‍കാമെന്ന് പറഞ്ഞ് ലക്ഷങ്ങള്‍ തട്ടിയെന്നാണ് കേസ്.

കൊച്ചിയില്‍ ഡ്യൂട്ടി ഫ്രീ ഷോപ്പില്‍ ജോണ്‍ സേവ്യറിന്റെ വാറ്റ് ചാരായം ബ്രാന്‍ഡ് ചെയ്ത് വില്‍പ്പന നടത്തുന്നുണ്ട്. ഇതേ മദ്യം ബെവ്‌കോ വഴി വില്‍പ്പനയ്‌ക്കെത്തിക്കാനുള്ള ശ്രമവും നടക്കുന്നുണ്ട്. ഇതിനിടെയാണ് മദ്യവ്യവസായി ഷാജിക്ക് സ്വീകരണമൊരുക്കിയ വിവരങ്ങള്‍ പുറത്തുവരുന്നത്.

ഹൈബി ഈഡന്റെ സഹപാഠിയും അടുത്ത സുഹൃത്തുമാണ് ജോണ്‍ സേവ്യര്‍. മുഖ്യമന്ത്രി ഉള്‍പ്പെടെയുള്ളവര്‍ക്കൊപ്പം ജോണ്‍ സേവ്യര്‍ നില്‍ക്കുന്ന ചിത്രങ്ങളും പുറത്തുവന്നിട്ടുണ്ട്.

Tags: KM Shaji, K M Shaji, John Xavier, KM Shaji Bulgaria Trip, Bulgaria Trip, Muslim League, IUML, Kerala Politics, Kerala News, John Xavier Bulgaria, Visa Fraud Case, John Xavier Case, KM Shaji News, KM Shaji Controversy, John Xavier Liquor Business

News Tag Live യുട്യൂബ് ചാനല്‍ Subscribe ചെയ്യുക