സന്ദർശന വിസയിൽ സൗദിയിൽ എത്തിയ കോട്ടയം സ്വദേശി മരിച്ചു

റിയാദ്​: സന്ദർശന വിസയിൽ സൗദിയിൽ എത്തിയ കോട്ടയം സ്വദേശി ഹൃദയാഘാതത്തെ തുടർന്ന് മരിച്ചു. കോട്ടയം മേവള്ളൂർ വെള്ളൂർ ചാമക്കാലയിൽ വീട്ടിൽ തച്ചേത്തുപറമ്പിൽ വർക്കി ജോസ്​ (61) ആണ്​ മരിച്ചത്​.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അൽഖർജ്​ കിങ്​ ഖാലിദ്​ ആശുപത്രിയിൽ നഴ്​സായ മകൾ പിങ്കിയുടെ അടുത്ത് എത്തിയതായിരുന്നു അദ്ദേഹം. നാല്​ മാസം മുമ്പാണ് സന്ദർശന വിസയിൽ സൗദിയിൽ​ എത്തിയത്​. 20 ദിവസം മുമ്പ്​ മസ്​തിഷ്​കാഘാതമുണ്ടായതിനെ തുടർന്ന്​ കിങ്​ ഖാലിദ്​ ആശുപത്രിയിലെ അത്യാഹിത വിഭാഗത്തിൽ പ്രവേശിപ്പിച്ചിരിക്കുകയായിരുന്നു. കഴിഞ്ഞ ദിവസമാണ്​ അന്ത്യം സംഭവിച്ചത്​.

അദ്ദേഹത്തിന്റെ കുടുംബത്തിന്റെ സമ്മതപ്രകാരം ആന്തരികാവയവങ്ങൾ ദാനം ചെയ്​തു. വൃക്ക, കരൾ, നേത്രപടലം എന്നിവയാണ്​ ദാനം ചെയ്തത്​. അദ്ദേഹത്തിന്റെ 2 മക്കളും ​മറ്റ്​ കുടുംബാംഗങ്ങളും ചേർന്ന്​ ഇതേ ആശുപത്രിയിൽ തന്നെ അവയവ ദാനം നടത്താനുള്ള സമ്മതപത്രത്തിൽ ഒപ്പിട്ട്​ നൽകുകയായിരുന്നു. ഭാര്യ: മേരി. മക്കൾ: പിങ്കി (അൽഖർജ്​), ജിൻസ്​ (നിയോം, തബൂക്ക്​). നിയമ നടപടികൾക്ക് ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.