ജോലിയിൽ നിന്ന് പിരിച്ചുവിട്ടതിന് യുവാവ് സർക്കാർ ഉദ്യോ​ഗസ്ഥയെ കുത്തിക്കൊന്നു

ജോലിയിൽ നിന്നു പിരിച്ചുവിട്ട വൈ​രാ​ഗ്യത്തിന് യുവാവ് സർക്കാർ ഉദ്യോ​ഗസ്ഥയെ കുത്തിക്കൊന്നു. കർണാടക ജിയോളജി വകുപ്പിൽ ജിയോളജിസ്റ്റായി ജോലി ചെയ്തിരുന്ന പ്രതിമ കെ എസ് കൊല്ലപ്പെട്ട സംഭവത്തിൽ പിടിയിലായ പ്രതി കിരണാണ് തന്നെ ഡ്രൈവർ ജോലിയിൽ നിന്നു പിരിച്ചുവിട്ടതിനാണ് കൊലപാതകം നടത്തിയതെന്ന വെളിപ്പെടുത്തൽ നടത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ബം​ഗളുരുവിലെ സുബ്രഹ്ണ്യപുരയിലെ വസതിയിലാണ് ഞായറാഴ്ച രാവിലെ പ്രതിമയെ കുത്തേറ്റുമരിച്ച നിലയിൽ കണ്ടെത്തിയത്. സംശയത്തിന്റെ അടിസ്ഥാനത്തിൽ കസ്റ്റഡിയിലെടുത്ത യുവാവാണ് കുറ്റസമ്മതം നടത്തിയത്. 10 ദിവസം മുമ്പാണ് പ്രതിമ ഇയാളെ ജോലിയിൽ നിന്ന് പിരിച്ചുവിട്ടതെന്ന് ബം​ഗളുരു പൊലീസ് കമ്മീഷണർ ദയാനന്ദ് പറഞ്ഞു.