കാസര്‍കോട് കൂട്ട ആത്മഹത്യ; ദമ്പതികളും മകനും ആസിഡ് കഴിച്ച് മരിച്ചു; ഒരാള്‍ ഗുരുതരനിലയില്‍

കാസര്‍കോട്: കാസര്‍കോട് അമ്പലത്തറയില്‍ കൂട്ടാത്മഹത്യ റിപ്പോര്‍ട്ട്‌ചെയ്തു. കുടുംബത്തിലെ മൂന്നുപേരാണ് ജീവനൊടുക്കിയത്. അമ്പലത്തറ പറക്കളായി സ്വദേശി ഗോപി (60), ഭാര്യ ഇന്ദിര (57), മകന്‍ രഞ്‌ജേഷ് (36) എന്നിവരാണ് മരിച്ചത്. ഇന്ന് പുലര്‍ച്ചെയാണ് ഇവരുടെ മൃതദേഹങ്ങള്‍ കണ്ടെത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ദമ്പതികളുടെ മറ്റൊരു മകന്‍ രാകേഷ് ഗുരുതരാവസ്ഥയില്‍ ആണ്. പരിയാരം മെഡിക്കല്‍ കോളജ് ആശുപത്രിയില്‍ ചികിത്സയിലുള്ള ഇദ്ദേഹം അപകടനില തരണംചെയ്തിട്ടില്ല. ആസിഡ് കുടിച്ചാണ് ഇവര്‍ ജീവനൊടുക്കിയതെന്നാണ് പോലീസ് അറിയിച്ചത്.
ആസിഡ് കുടിച്ച് കൂട്ട അത്മഹത്യ ചെയ്യുകയാണെന്ന് ഗോപി അയല്‍ക്കാരനെ വിളിച്ച് അറിയിക്കുകയായിരുന്നു. പിന്നാലെ ഇവരാണ് പോലീസിനെ അറിയിച്ചത്. പൊലീസും നാട്ടുകാരും ഉടന്‍ ആശുപത്രിയിലെത്തിച്ചെങ്കിലും മൂന്നുപേരും മരിച്ചു.

സാമ്പത്തിക ബാധ്യതകളാണ് കൂട്ട ആത്മഹത്യയ്ക്ക് കാരണമെന്നാണ് പ്രാഥമിക നിഗമനം. സംഭവത്തില്‍ അസ്വാഭാവിക മരണത്തിന് പോലീസ് കേസെടുത്തു.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ ‘ദിശ’ ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)

mass suicide in Kasaragod as Three members of a family commit suicide