30
Dec 2023
Wed
തിരുവനന്തപുരത്ത് 36 ദിവസം മാത്രം പ്രായമുള്ള നവജാത ശിശുവിന്റെ മൃതദേഹം കിണറ്റില്; അമ്മ കസ്റ്റഡിയില്
 |
|
തിരുവനന്തപുരം: പോത്തന്കോട് 36 ദിവസം മാത്രം പ്രായമുള്ള നവജാത ശിശുവിന്റെ മൃതദേഹം കിണറ്റില് കണ്ടെത്തി. പോത്തന്കോട് മഞ്ഞമല കുറവന് വിളാകത്ത് വീട്ടില് സുരിതയുടെയും സജിയുടെയും മകന് ശ്രീദേവിനെ ആണ് മരിച്ചനിലയില് കണ്ടെത്തിയത്. സംഭവത്തില് കുട്ടിയുടെ അമ്മയെ കസ്റ്റഡിയിലെടുത്ത് പോത്തന്കോട് പൊലീസ് ചോദ്യം ചെയ്ത് വരികയാണ്.
ഇന്ന് പുലര്ച്ചെയാണ് സംഭവം. രാത്രി രണ്ടുമണിയോടെ ശ്രീദേവിനെ കാണാതാവുകയായിരുന്നു. തുടര്ന്ന് മൂന്നരയോടെ സജി പൊലീസിനെ വിവരം അറിയിച്ചു. പൊലീസുമായി ചേര്ന്ന് നടത്തിയ അന്വേഷണത്തില് കിണറ്റിന്കരയില് നിന്ന് കുഞ്ഞിന്റെ ടവല് കിട്ടി. തുടര്ന്ന് ഫയര്ഫോഴ്സ് എത്തി കിണറ്റില് ഇറങ്ങിയാണ് കുഞ്ഞിനെ പുറത്തെടുത്തത്.
കുഞ്ഞിനെ പുറത്തെടുക്കുമ്പോഴേക്കും മരണം സംഭവിച്ചിരുന്നു. വീടിന്റെ പിറകിലെ കിണറ്റില് നിന്നാണ് കുഞ്ഞിന്റെ മൃതദേഹം കണ്ടെത്തിയത്. കുട്ടിയുടെ ഇന്ക്വസ്റ്റ് നടപടികള് ആരംഭിച്ചു.
Latest News
More Stories
All Rights Reserved © 2022