കുട്ടികളുടെ ഓൺലൈൻ സമയം ഇനി മാതാപിതാക്കൾക്ക് നിയന്ത്രിക്കാം; പുതിയ സിം കാർഡ് അവതരിപ്പിച്ചു UAE

അബുദാബി: കുട്ടികളുടെ ഓണ്‍ലൈന്‍ ഇടപെടലുകൾ മാതാപിതാക്കളുടെ നിയന്ത്രണത്തിൽ കൊണ്ടുവരുന്ന സംവിധാനവുമായി യുഎഇ. കുട്ടികൾക്കായി രൂപകൽപ്പന ചെയ്ത പ്രത്യേക സിം കാർഡ് പുറത്തിറക്കി ടെലികോം ഓപ്പറേറ്ററായ ഇആന്‍ഡ് (മുന്‍പ് എത്തിസലാത്ത്) ആണ് ഇത് സാധിപ്പിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ദിർഹം 49, ദിർഹം 99 എന്നീ രണ്ട് ഫ്ലെക്സിബിൾ പ്രതിമാസ പ്ലാനുകളിൽ ഇ & കിഡ്‌സ് സിം കാർഡ് സർവീസ് ലഭിക്കും. ലോക്കൽ കോൾ മിനിറ്റ്, 24/7 ഡാറ്റ ആക്സസ്, വിദ്യാഭ്യാസ ഉള്ളടക്കം ആക്‌സസ് ചെയ്യാൻ സൗജന്യ ഡാറ്റ, കുട്ടികൾക്ക് ഏതൊക്കെ നമ്പറുകളിലേക്ക് വിളിക്കാമെന്ന് അനുവാദം നൽകുന്ന ഫീച്ചറുകൾ എന്നിവയെല്ലാം പുതിയ സിം കാര്‍ഡില്‍ ഉള്‍പ്പെടുന്നു. e & UAE ചാനലുകളിലും e & UAE ആപ്പ് വഴിയും സിം കാര്‍ഡ് ലഭ്യമാണ്. സ്റ്റാൻഡേർഡ് സിം കാർഡുകൾ ഉപയോഗിക്കുന്നവർക്ക് പുതിയ  രക്ഷാകർതൃ നിയന്ത്രണ സേവനവും പ്രയോജനപ്പെടുത്താം. ഇത് വീട്ടിലും യാത്രയിലും കുട്ടികളുടെ ഇൻ്റർനെറ്റ് ഉപയോഗം നിയന്ത്രിക്കാൻ മാതാപിതാക്കളെ അനുവദിക്കുന്നു.

സിം കാർഡിൻ്റെ ഫീച്ചറുകൾ

അനുചിതമായ വെബ്‌സൈറ്റുകളിലേക്കും ആപ്പുകളിലേക്കുമുള്ള ആക്‌സസ് നിയന്ത്രിക്കാൻ കഴിയുന്നു.

പ്രതിദിന ഉപയോഗ പരിധികൾ സജ്ജീകരിക്കുന്നതിനുള്ള സ്‌ക്രീൻ ടൈം മാനേജ്‌മെൻ്റ്

ജനപ്രിയ പ്ലാറ്റ്‌ഫോമുകളിൽ കുട്ടികളുടെ പ്രവർത്തനങ്ങൾ ട്രാക്ക് ചെയ്യുന്നതിന് നിരീക്ഷണ സംവിധാനം

വിശദമായ ഓൺലൈൻ പ്രവർത്തന റിപ്പോർട്ടുകളിലേക്കുള്ള ആക്‌സസ് ലഭ്യം. (അതിനാൽ രക്ഷിതാക്കൾക്ക് ബ്രൗസിങ് ചരിത്രവും ആപ്പ് ഉപയോഗവും അവലോകനം ചെയ്യാനാകും)

കുട്ടികൾക്ക് സുരക്ഷിതമായ ഡിജിറ്റൽ അന്തരീക്ഷം ഉറപ്പാക്കി തകരാറിലാക്കുന്ന പ്രോഗ്രാമുകളില്‍നിന്ന് സംരക്ഷിക്കുന്നതിനുള്ള സുരക്ഷാ നടപടികൾ

രക്ഷാകർതൃ നിയന്ത്രണ സേവനം കിഡ്‌സ് സിം കാർഡിനൊപ്പം സൗജന്യമായി നൽകുന്നു. മറ്റ് ഉപയോക്താക്കൾക്ക് പ്രതിമാസം 30 ദിർഹത്തിന് പ്രത്യേകമായി ഇത് സബ്‌സ്‌ക്രൈബ് ചെയ്യാനാകും.

new SIM card for kids with free parental control service