തിരുവനന്തപുരത്ത് കാല്‍നടയാത്രികയായ നവവധു കാറിടിച്ചുമരിച്ചു; ഭര്‍ത്താവിന് പരിക്ക്

തിരുവനന്തപുരത്ത് കാല്‍നടയാത്രികയായ നവവധു കാറിടിച്ചുമരിച്ചു. ഭര്‍ത്താവടക്കം ആറുപേര്‍ക്ക് പരിക്ക്. ഇതില്‍ രണ്ടുപേരുടെ നില ഗുരുതരം. കവടിയാറിലാണ് അപകടം. പാലക്കാട് ചിറ്റൂര്‍ വെരിക്കോലി സ്വദേശിനി നൗഷിജ(24)യാണ് മരിച്ചത്. യുവതിയുടെ ഭര്‍ത്താവ് ആഷിഖിനും മറ്റൊരാള്‍ക്കുമാണ് ഗുരുതര പരിക്കേറ്റത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കഴിഞ്ഞമാസമായിരുന്നു ആഷിഖും നൗഷിജയും വിവാഹിതരായത്. അമിത വേഗത്തിലെത്തിയ കാര്‍ നടപ്പാതയിലേക്ക് ഇടിച്ചുകയറുകയും ഇതുവഴി പോവുകയായിരുന്നവരെ ഇടിച്ചുതെറിപ്പിക്കുകയുമായിരുന്നു. രണ്ടു ബൈക്കുകളിലും രണ്ടു കാറുകളിലും ഇടിച്ച ശേഷമാണ് കാര്‍ നിന്നത്. മോഹന്‍ തോമസ് എന്നയാളാണ് അപകടമുണ്ടാക്കിയ കാര്‍ ഓടിച്ചിരുന്നത്.

ALSO READ: കൊച്ചിയില്‍ ആളൊഴിഞ്ഞ കെട്ടിടത്തില്‍ ആണ്‍സുഹൃത്തിനൊപ്പമെത്തിയ യുവതിയെ കത്തികാട്ടി പീഡിപ്പിച്ച പ്രതികള്‍ പിടിയില്‍