27
Sep 2024
Fri
Kerala Rain Update: സംസ്ഥാനത്ത് ഇന്ന് മഴയില്ല; നാളെ മുതല് ശക്തമായ മഴ, മൂന്നുദിവസത്ത മുന്നറിയിപ്പ് ഇങ്ങനെ
 |
|
തുടര്ച്ചയായ മഴപെയ്ത്തിന് ശേഷം ഇന്ന് മഴയുണ്ടാകില്ലെന്ന് കാലാവസ്ഥാവകുപ്പിന്റെ അറിയിപ്പ്. കേന്ദ്ര കാലാവസ്ഥാവകുപ്പ് ഇറക്കിയ അടുത്ത 4 ദിവസത്തേക്കുള്ള മഴ സാധ്യത പ്രവചന പ്രകാരം കേരളത്തില് ഇന്ന് മഴ മുന്നറിയിപ്പില്ല. എന്നാല്, ശനി, ഞായര്, തിങ്കള് ദിവസങ്ങളില് അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു.
മൂന്നുദിവസത്ത മുന്നറിയിപ്പ്
ശനി (28/09/2024): തിരുവനന്തപുരം, കൊല്ലം, പത്തനംതിട്ട, ഇടുക്കി
ഞായര് (29/09/2024): പത്തനംതിട്ട, ഇടുക്കി, എറണാകുളം, തൃശൂര്, കോഴിക്കോട്, വയനാട്, കണ്ണൂര്
തിങ്കള് (30/09/2024): പത്തനംതിട്ട, ഇടുക്കി, എറണാകുളം, തൃശൂര്, കോഴിക്കോട്, വയനാട്, കണ്ണൂര്
എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഇവിടെ പ്രവചിക്കപ്പെട്ടത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യമാണ് ശക്തമായ മഴ. ഈ ജില്ലകളില് ഒറ്റപ്പെട്ട ശക്തമായ മഴയ്ക്കു സാധ്യതയുണ്ട്.
മത്സ്യത്തൊഴിലാളി ജാഗ്രത നിര്ദേശം
30/09/2024 വരെ: തെക്കു പടിഞ്ഞാറന് അറബിക്കടലിന്റെ പടിഞ്ഞാറന് ഭാഗങ്ങള്, അതിനോട് ചേര്ന്ന മധ്യ പടിഞ്ഞാറന് അറബിക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിന് സാധ്യതയുണ്ടെന്ന് കാലാവസ്ഥാവകുപ്പ് അറിയിച്ചു.
28/09/2024 വരെ: ഗള്ഫ് ഓഫ് മാന്നാര്, തമിഴ് നാട് തീരം, അതിനോട് ചേര്ന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത നിലനില്ക്കുന്നു.
27/09/2024: മധ്യ പടിഞ്ഞാറന് ബംഗാള് ഉള്ക്കടലിന്റെയും തെക്കു പടിഞ്ഞാറന് ബംഗാള് ഉള്ക്കടലിന്റെയും ഭാഗങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ഈ ദിവസങ്ങളില് ഈ പ്രദേശങ്ങളില് മത്സ്യബന്ധനത്തിന് പോകുവാന് പാടുള്ളതല്ല
കന്യാകുമാരി തീരത്ത് ഇന്ന് രാത്രി 11.30 മുതല് നാളെ രാത്രി 11.30 വരെ 0.9 മുതല് 1.2 മീറ്റര് വരെ ഉയര്ന്ന തിരമാലയ്ക്കും കള്ളക്കടല് പ്രതിഭാസത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു. ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണം.
No rain alert today, Heavy rain from tomorrow
Latest News
Trending
More Stories
All Rights Reserved © 2022