കക്കയത്ത് കര്‍ഷകനെ കൊലപ്പെടുത്തിയ കാട്ടുപോത്തിനെ വെടിവച്ചുകൊല്ലാന്‍ ഉത്തരവ്

കോഴിക്കോട് കക്കയത്ത് കൃഷിയിടത്തിലിറങ്ങി കര്‍ഷകനെ കൊലപ്പെടുത്തിയ കാട്ടുപോത്തിനെ വെടിവച്ച് കൊല്ലാന്‍ ചീഫ് കണ്‍സര്‍വേറ്റര്‍ ഓഫ് ഫോറസ്റ്റ് ഉത്തരവിട്ടു. മയക്കുവെടി വച്ച് പിടികൂടാന്‍ സാധിക്കുന്നില്ലെങ്കില്‍ വെടിവച്ച് കൊല്ലാനാണ് ഉത്തരവില്‍ നിര്‍ദേശം. പാലാട്ടില്‍ ഏബ്രഹാം (അവറാച്ചന്‍ -70) ആണ് ചൊവ്വാഴ്ച ഉച്ചയ്ക്ക് കാട്ടുപോത്തിന്റെ ആക്രമണത്തില്‍ കൊല്ലപ്പെട്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കക്കയം ഡാം റോഡിലെ കോണിപ്പാറ താഴെ ഭാഗത്തുള്ള സ്വന്തം കൃഷിയിടത്തില്‍ ജോലി ചെയ്യുന്നതിനിടെയാണ് കാട്ടുപോത്തിന്റെ ആക്രമണത്തിന് ഇരയായത്. ജനവാസ മേഖലയില്‍ ഇറങ്ങിയ കാട്ടുപോത്തിനെ പിടിക്കാന്‍ കഴിയാത്തതില്‍ കടുത്ത ജനരോഷം ഉയര്‍ന്ന പശ്ചാത്തലത്തിലാണ് ചീഫ് കണ്‍സര്‍വേറ്റര്‍ ഓഫ് ഫോറസ്റ്റ് വെടിവച്ചുകൊല്ലാനുള്ള ഉത്തരവിറക്കിയിരിക്കുന്നത്.