എസ്‌ഐആറില്‍ പത്മശ്രീ ജേതാവിനും കുരുക്ക്: ഹരേക്കല ഹജബ്ബയ്ക്ക് തിരെഞ്ഞെടുപ്പ് കമ്മീഷന്റെ നോട്ടീസ്

ബെംഗളൂരു: ആറുവര്‍ഷം മുന്‍പ് രാജ്യം പത്മശ്രീ നല്‍കി ആദരിച്ച സാമൂഹിക പ്രവര്‍ത്തകന്‍ ഹരേക്കല ഹജബ്ബയ്ക്ക് വോട്ടര്‍പട്ടികയിലെ പേരിലെ വ്യത്യാസത്തെ തുടര്‍ന്ന് ഇലക്ഷന്‍ കമ്മീഷന്റെ നോട്ടീസ്. കര്‍ണാടകയില്‍ നടക്കുന്ന വോട്ടര്‍പട്ടികയുടെ പ്രത്യേക തീവ്ര യത്‌ന പരിഷ്‌കരണത്തിന്റെ (ടകഞ) ഭാഗമായാണ് നോട്ടീസ് നല്‍കിയിരിക്കുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

2002-ലെ പഴയ വോട്ടര്‍പട്ടികയില്‍ ‘ഹജബ്ബ’ എന്ന് മാത്രമാണ് പേരുണ്ടായിരുന്നത്. എന്നാല്‍ ആധാര്‍ കാര്‍ഡ്, റേഷന്‍ കാര്‍ഡ്, പാസ്‌പോര്‍ട്ട്, പുതിയ വോട്ടര്‍ ഐഡി, പത്മശ്രീ പുരസ്‌കാര രേഖകള്‍ എന്നിവയിലെല്ലാം ‘ഹരേക്കല ഹജബ്ബ’ എന്നാണ് രേഖപ്പെടുത്തിയിട്ടുള്ളത്. ഈ പേരുവിവരങ്ങളിലെ വൈരുധ്യം ചൂണ്ടിക്കാട്ടിയാണ് നടപടി.

ALSO READ: ഹൈന്ദവ പുരോഹിതന്മാരുടെ സന്ദര്‍ശന സമയത്ത് വനിതാ ജീവനക്കാരെ മാറ്റിനിര്‍ത്തി; സമരത്തെ തുടര്‍ന്ന് ഈഫല്‍ ടവര്‍ അടച്ചു

അങ്കണവാടി ജീവനക്കാര്‍ നേരിട്ടെത്തിയാണ് നോട്ടീസ് കൈമാറിയത്. ആവശ്യമായ അസല്‍ രേഖകള്‍ സഹിതം സെപ്റ്റംബര്‍ 11-ന് ഗ്രാമപഞ്ചായത്തില്‍ ഹാജരാകാനാണ് നിര്‍ദേശം നല്‍കിയിരിക്കുന്നത്. രേഖകള്‍ പരിശോധിക്കുന്നതോടെ പ്രശ്‌നം പരിഹരിക്കപ്പെടുമെന്ന പ്രതീക്ഷയിലാണ് ഹജബ്ബ.

മംഗളൂരുവില്‍ ഓറഞ്ച് വിറ്റ് ഉപജീവനം നടത്തിയിരുന്ന ഹജബ്ബ, തന്റെ സമ്പാദ്യം ഉപയോഗിച്ച് ജന്മനാടായ ന്യൂപടപ്പില്‍ പ്രാഥമിക വിദ്യാലയം സ്ഥാപിച്ചാണ് ശ്രദ്ധേയനായത്. തുടര്‍ന്ന് 2020-ലാണ് രാജ്യം അദ്ദേഹത്തെ പത്മശ്രീ നല്‍കി ആദരിച്ചത്.

കര്‍ണാടകയില്‍ നിലവില്‍ നടക്കുന്ന വോട്ടര്‍പട്ടിക പരിഷ്‌കരണത്തിന്റെ ഭാഗമായി 44 ലക്ഷത്തോളം പേര്‍ക്ക് ഇത്തരത്തില്‍ നോട്ടീസ് ലഭിക്കുന്നുണ്ട്. വോട്ടര്‍പട്ടികയിലെ വിവരങ്ങളില്‍ വ്യത്യാസമുള്ളവര്‍ക്കാണ് കമ്മീഷന്‍ നോട്ടീസ് നല്‍കുന്നത്. ഒക്ടോബര്‍ 27-ന് അന്തിമ വോട്ടര്‍പട്ടിക പ്രസിദ്ധീകരിക്കും.

Tags: Harekala Hajabba, Election Commission Notice, Karnataka SIR, Padma Shri Awardee, Voter ID Discrepancy, Mangaluru News, Karnataka News

News Tag Live യുട്യൂബ് ചാനല്‍ Subscribe ചെയ്യുക