സർവീസ് ലിഫ്റ്റ് തകർന്നുവീണ് ചുമട്ട് തൊഴിലാളി മരിച്ചു

എറണാകുളത്ത് സർവീസ് ലിഫ്റ്റ് തകർന്ന് വീണ് ചുമട്ടു തൊഴിലാളി മരിച്ചു. ഉണിച്ചിറയിലെ സിഐടിയു പ്രവർത്തകനായ നസീർ (42) ആണ് മരിച്ചത്. ഉണിച്ചിറ ജിയോജിത് ബിൽഡിങ്ങിൽ ജോലിക്കെത്തിയ നസീറിന്റെ ​ദേഹത്തേക്ക് റോപ്പ് പൊട്ടി സർവീസ് ലിഫ്റ്റ് പതിക്കുകയായിരുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഐടി ഉൽപ്പന്നങ്ങൾ കയറ്റാൻ എത്തിയതായിരുന്നു നസീറും സഹപ്രവർത്തകരും. സർവീസ് ലിഫ്റ്റിൽ സാധനങ്ങൾ കയറ്റി മുകളിലെ നിലയിലേക്ക് അയച്ച ശേഷം, ലിഫ്റ്റിൻ്റെ താഴെ ഉണ്ടായിരുന്ന മരത്തിന്റെ സ്റ്റാൻഡ് മാറ്റാനായി പോയതായിരുന്നു നസീർ. ഈ സമയത്ത് ലിഫ്റ്റിൻ്റെ റോപ്പ് പൊട്ടുകയായിരുന്നു.

ലിഫ്റ്റിന്റെ അടിയിൽ പെട്ട് ​ഗുരുതരമായി പരിക്കേറ്റ നസീറിനെ ഉടൻ തൃക്കാക്കരയിലെ സ്വകാര്യ ആശുപത്രിയിൽ എത്തിച്ചെങ്കിലും മരിക്കുകയായിരുന്നു. പോസ്റ്റ്മോർട്ടത്തിനു ശേഷം മൃതദേഹം ബന്ധുക്കൾക്ക് വിട്ടുനൽകും.

News Tag Live യുട്യൂബ് ചാനല്‍ Subscribe ചെയ്യുക