ഏഴ് ആഴ്ചത്തെ ഗര്‍ഭം, രണ്ട് പരിചയക്കാര്‍, 54 ദിവസം നീണ്ട ദുരിതം: പഞ്ചാബി ഇന്‍ഫ്‌ളുവന്‍സര്‍ മന്‍ജീത് കൗറിന്റെ മരണത്തില്‍ ദുരൂഹതയേറുന്നു

ചണ്ഡീഗഡ്: അഞ്ചര ലക്ഷത്തിലധികം ഫോളോവേഴ്സുള്ള പ്രമുഖ പഞ്ചാബി സോഷ്യല്‍ മീഡിയ ഇന്‍ഫ്‌ലുവന്‍സര്‍ മന്‍ജീത് കൗറിന്റെ (28) കൊലപാതകത്തില്‍ ഞെട്ടിക്കുന്ന വിവരങ്ങള്‍ പുറത്ത്. ചണ്ഡീഗഡില്‍ നിന്ന് തട്ടിയെടുത്ത് മൊരിന്‍ഡയിലെ വനമേഖലയില്‍ മരത്തില്‍ കെട്ടിയിട്ട് തീ കൊളുത്തപ്പെട്ട നിലയില്‍ കണ്ടെത്തിയ മന്‍ജീത് കൗര്‍ ഓഗസ്റ്റ് 26-ന് ചണ്ഡീഗഡ് പി.ജി.ഐ.എം.ഇ.ആര്‍ (PGIMER) ആശുപത്രിയില്‍ വെച്ചാണ് മരണപ്പെട്ടത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മരണശേഷം നടത്തിയ പോസ്റ്റ്മോര്‍ട്ടത്തിലാണ് മന്‍ജീത് കൗര്‍ ഏഴ് ആഴ്ച ഗര്‍ഭിണിയായിരുന്നുവെന്ന വിവരം വ്യക്തമായത്. 54 ദിവസം നീണ്ട ചികിത്സയ്‌ക്കൊടുവിലാണ് യുവതി മരണത്തിന് കീഴടങ്ങിയത്.

സംഭവിച്ചത് എന്ത്?

ജൂലൈ 3, 4 തീയതികളില്‍ രാത്രിയില്‍ മന്‍ജീതിന്റെ പരിചയക്കാരായ ഷുഭി, പിന്‍ഡ എന്നിവര്‍ ചേര്‍ന്ന് യുവതിയെ ചണ്ഡീഗഡ് സെക്ടര്‍ 34-ലേക്ക് വിളിച്ചുവരുത്തുകയായിരുന്നുവെന്ന് മാതാവ് കാന്താ ദേവി നല്‍കിയ പരാതിയില്‍ പറയുന്നു. അവിടെവെച്ച് യുവതിയെ മര്‍ദ്ദിച്ച ശേഷം വാഹനത്തില്‍ കയറ്റി മൊരിന്‍ഡയിലെ കാട്ടിലേക്ക് കൊണ്ടുപോവുകയും മരത്തില്‍ കെട്ടിയിട്ട് തീ കൊളുത്തുകയുമായിരുന്നു.

ALSO READ: പ്രളയാവശിഷ്ടങ്ങൾക്കടിയിൽ നിന്ന് മൂന്നു ദിവസത്തിനുശേഷം ആറുവയസ്സുകാരിയെ ജീവനോടെ രക്ഷപ്പെടുത്തി

സംഭവസ്ഥലത്തെത്തിയ മറ്റൊരു പരിചയക്കാരനാണ് കമ്പിളി ഉപയോഗിച്ച് തീ അണച്ചത്. തുടര്‍ന്ന് മൊരിന്‍ഡയിലെ പ്രാദേശിക ആശുപത്രിയിലും പിന്നീട് മൊഹാലിയിലെ മാക്‌സ് ആശുപത്രിയിലും പ്രവേശിപ്പിച്ച ശേഷമാണ് പി.ജി.ഐ.എം.ഇ.ആറിലേക്ക് മാറ്റിയത്.

പോലീസിന് ഗുരുതര വീഴ്ച?

ആശുപത്രിയില്‍ ചികിത്സയിലായിരുന്ന സമയത്ത് ബോധം തിരിച്ചുകിട്ടിയ മന്‍ജീത് കൗര്‍ പോലീസിന് മൊഴി നല്‍കാന്‍ ആഗ്രഹം പ്രകടിപ്പിച്ചിരുന്നു. ഇക്കാര്യം ആശുപത്രിയിലെ പോലീസ് പോസ്റ്റില്‍ നിന്ന് ഖരാര്‍ സദര്‍ പോലീസിനെയും അന്വേഷണ ഉദ്യോഗസ്ഥനെയും അറിയിച്ചെങ്കിലും ഉദ്യോഗസ്ഥര്‍ മൊഴിയെടുക്കാന്‍ എത്തിയില്ലെന്ന് ആക്ഷേപമുണ്ട്.

ഓഗസ്റ്റ് 26-ന് മരണപ്പെട്ടതിന് പിന്നാലെ ഓഗസ്റ്റ് 27-നാണ് ചണ്ഡീഗഡ് സെക്ടര്‍ 34 പോലീസ് സ്റ്റേഷനില്‍ തട്ടിയെടുക്കലിനും കൊലപാതകത്തിനും കേസെടുത്തത്. കേസില്‍ ഷുഭി, പിന്‍ഡ എന്നിവരെ പ്രതി ചേര്‍ത്ത പോലീസ് ഇവര്‍ക്കായി തിരച്ചില്‍ ഊര്‍ജ്ജിതമാക്കി.

ആരായിരുന്നു മന്‍ജീത് കൗര്‍?

ഇന്‍സ്റ്റാഗ്രാമില്‍ 1.46 ലക്ഷത്തോളം ഫോളോവേഴ്സുള്ള പ്രമുഖ ഇന്‍ഫ്‌ലുവന്‍സറായിരുന്നു മന്‍ജീത് കൗര്‍. ബ്യൂട്ടി പ്രൊഡക്ടുകളുടെ പ്രൊമോഷനുകളും പഞ്ചാബി, ഹരിയാന്‍വി പാട്ടുകള്‍ക്കൊപ്പമുള്ള റീലുകളുമായിരുന്നു മന്‍ജീതിന്റെ പ്രധാന ഉള്ളടക്കം. കൂടാതെ യൂട്യൂബില്‍ ലൈഫ് സ്‌റ്റൈല്‍ വ്‌ലോഗുകളും ഇവര്‍ പങ്കുവെച്ചിരുന്നു.

Tags: Manjeet Kaur, Punjabi Influencer Death, Manjeet Kaur Murder Case, Chandigarh News, Punjab Police, Morinda Incident, Crime News Malayalam, Indian Influencer Murder, PGIMER Chandigarh

News Tag Live യുട്യൂബ് ചാനല്‍ Subscribe ചെയ്യുക