പ്രകടനത്തിന് അനുമതി നിഷേധിച്ച പോലീസിന് പണികൊടുത്ത് പിവി അന്‍വര്‍; 30 പ്രചാരണ ലോറികള്‍ റോഡിലിറക്കി; മുഖ്യമന്ത്രിയുടെ വാഹന വ്യൂഹം വഴിയില്‍ കുടുങ്ങി

തൃശ്ശൂര്‍: ഡിഎംകെ സ്ഥാനാര്‍ഥിയുടെ പ്രചാരണത്തിനുള്ള പ്രകടനത്തിന് അനുമതി നിഷേധിച്ച പോലീസിനെതിരേ പി വി അന്‍വര്‍ സ്റ്റൈല്‍ പ്രതിഷേധം. ചേലക്കരയിലാണ് പൊലീസിനെ വെല്ലുവിളിച്ച് പിവി അന്‍വര്‍ ‘ഷോ’ അരങ്ങേറിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പ്രകടനത്തിനുള്ള അനുമതി പൊലീസ് നിഷേധിച്ചതോടെ പ്രതിഷേധമെന്ന നിലയില്‍ ഡിഎംകെ വാഹന പ്രകടനം നടത്തുകയായിരുന്നു. ഇതോടെ മുഖ്യമന്ത്രിയുടെ വാഹനവ്യൂഹം പോകേണ്ട വഴി പൂര്‍ണ്ണമായി തടസ്സപ്പെട്ടു.

ചേലക്കരയിലെ ഡിഎംകെ സ്ഥാനാര്‍ത്ഥി എന്‍ കെ സുധീറിന്റെ പ്രചാരണത്തിനായി മുപ്പത് ലോറികളാണ് ഒരുമിച്ച് റോഡില്‍ ഇറങ്ങിയത്. ഇതോടെ ചേലക്കര നഗരം ഗതാഗതക്കുരുക്കില്‍ നിശ്ചലമായി. ഇതേ തുടര്‍ന്ന് ഗതാഗത കുരുക്കഴിക്കാന്‍ ശ്രമിച്ച പൊലീസും ഡിഎംകെ പ്രവര്‍ത്തകരും തമ്മില്‍ വാക്കുതര്‍ക്കമുണ്ടായി.