ട്രെയിന്‍ യാത്രയ്ക്കിടെ തൊണ്ടയില്‍ മിഠായി കുടുങ്ങിയ രണ്ടുവയസ്സുകാരന്റെ ജീവന്‍ രക്ഷിച്ച് ആര്‍പിഎഫ് ഉദ്യോഗസ്ഥര്‍

ട്രെയിന്‍ യാത്രയ്ക്കിടെ തൊണ്ടയില്‍ മിഠായി കുടുങ്ങിയ രണ്ടുവയസ്സുകാരന്റെ ജീവന്‍ രക്ഷിച്ച് ആര്‍പിഎഫ് ഉദ്യോഗസ്ഥര്‍. തമിഴ്‌നാട്ടിലാണ് സംഭവം. മേട്ടുപ്പാളയം-പൊഡനൂര്‍ മെമു ട്രെയിനില്‍ അമ്മയ്‌ക്കൊപ്പം യാത്ര ചെയ്തിരുന്ന ദേവ് അതിരന്‍ എന്ന കുട്ടിയാണ് തൊണ്ടയില്‍ മിഠായി കുടുങ്ങി മരണത്തിന്റെ വക്കില്‍ വരെയെത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മിഠായി ശ്വാസനാളിയില്‍ കുടുങ്ങുകയും കുട്ടി അബോധാവസ്ഥയിലേക്കെത്തുകയും ചെയ്തു. കുട്ടിയുടെ മൂക്കില്‍ നിന്ന് രക്തം കൂടി ഒഴുകിയതോടെ അമ്മ അലറിക്കരഞ്ഞു. ഇതിനിടെ ഓടിയെത്തിയ ആര്‍പിഎഫ് ഇന്‍സ്‌പെക്ടര്‍ സുനില്‍കുമാര്‍, സബ് ഇന്‍സ്‌പെക്ടര്‍ സജനി എന്നിവര്‍ കുട്ടിയെ തലകീഴായി പിടിച്ച് പുറത്ത് തട്ടിക്കൊടുത്തതോടെ ശ്വാസനാളിയില്‍ കുടുങ്ങിയ മിഠായി പുറത്തുവരികയും കുട്ടി രക്ഷപെടുകയുമായിരുന്നു.