സൽമാൻ റുഷ്ദിയെ യുഎസിലെ വേദിയിൽകയറി കുത്തിവീഴ്ത്തി; അക്രമി കസ്റ്റഡിയിൽ

പുസ്തകരചയിതാവ് സൽമാൻ റുഷ്ദി(75)ക്ക് നേരെ ന്യൂയോർക്കിൽ ആക്രമണം. കഴുത്തിൽ കുത്തേറ്റ സൽമാൻ റുഷ്ദിയെ വ്യോമമാർ​ഗം ആശുപത്രിയിലേക്ക് നീക്കി. അക്രമിയെ കസ്റ്റഡിയിലെടുത്തതായി പൊലീസ് അറിയിച്ചു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വേദിയിൽ കയറിയായിരുന്നു ആക്രമണം. കുത്തേറ്റയുടൻ സൽമാൻ റുഷ്ദി നിലത്തുവീണു. ഇന്ത്യൻ സമയം രാത്രി എട്ടരയോടെയായിരുന്നു സൽമാൻ റുഷ്ദിക്കു നേരെ ആക്രമണമുണ്ടായത്. 

സാത്താനിക് വെഴ്സസ് എന്ന പുസ്തകത്തിന്റെ പേരിൽ 1980കളിൽ സൽമാൻ റുഷ്ദിക്ക് നേരെ വ്യാപക എതിർപ്പുകളുയർന്നിരുന്നു. ഇസ് ലാമിക നിന്ദകൾ നിറഞ്ഞതിനാൽ സാത്താനിക് വെഴ്സസിന് ഇറാനിൽ നിരോധനമേർപ്പെടുത്തിയിരുന്നു. ഇന്ത്യൻ വംശജനും ബ്രിട്ടീഷ് പൗരനുമായ സൽമാൻ റുഷ്ദി 20 വർഷമായി യുഎസിലാണ് താമസം.