നിരവധി ചാനലുകള്‍ അനധികൃതമായി വെബ്‌സൈറ്റില്‍; ലക്ഷങ്ങള്‍ സമ്പാദിച്ച രണ്ടുപേര്‍ അറസ്റ്റില്‍

കാക്കനാട്: പ്രമുഖ മലയാളം ചാനലുകള്‍ അനധികൃതമായി വെബ്‌സൈറ്റുകളിലൂടെ പ്രചരിപ്പിച്ച് വന്‍തുക സമ്പാദിച്ച രണ്ടുപേരെ കൊച്ചി സിറ്റി സൈബര്‍ ക്രൈം പൊലീസ് പിടികൂടി. (Several channels illegally on the website; Two arrested)  നീപ്ലേ വെബ്‌സൈറ്റ് അഡ്മിന്‍ ഷിബിന്‍(38), എം.എച്ച്.ഡി.ടി വേള്‍ഡ് വെബ്‌സൈറ്റ് അഡ്മിന്‍ മുഹമ്മദ് ഷെഫിന്‍സ് എന്നിവരാണ് പിടിയിലായത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഷിബിനെ മലപ്പുറം ആനക്കയത്തുനിന്നും ഷെഫിന്‍സിനെ പെരുമ്പാവൂര്‍ അറക്കപ്പടിയില്‍നിന്നുമാണ് പിടികൂടിയത്.

ഈ വെബ്‌സൈറ്റുകളില്‍ക്കൂടി നിരവധി കാഴ്ചക്കാരെ കിട്ടിയിരുന്ന പ്രതികള്‍ക്ക് അതുവഴി ലക്ഷക്കണക്കിന് രൂപയാണ് മാസവരുമാനം ലഭിച്ചിരുന്നത്.

സിറ്റി പൊലീസ് കമീഷണറുടെ നിര്‍ദേശപ്രകാരം കൊച്ചി സിറ്റി ഡി.സി.പിയുടെ മേല്‍നോട്ടത്തില്‍ സൈബര്‍ ക്രൈം പൊലീസ് സ്റ്റേഷന്‍ ഇന്‍സ്പെക്ടര്‍ പി.ആര്‍. സന്തോഷിന്റെ നേതൃത്വത്തിലുള്ള സംഘമാണ് പിടികൂടിയത്.