സ്നേഹാരാമം നാടിന് സമർപ്പിച്ചു

കൊച്ചറ: പുറ്റടി – കമ്പംമെട്ട് റോഡിൽ നെറ്റിത്തൊഴുവിന് സമീപത്തെ പാലാക്കണ്ടത്തിലെ സർക്കാർ ഭൂമിയുടെ കാഴ്ച ഇനിമുതൽ , നാട്ടുകാർക്ക് ഏറെ സന്തോഷo പകരുന്നതായിരിക്കും. അൽപ്പ സമയം ഇടുക്കിയുടെ തണുത്ത കാറ്റ് കൊണ്ട് വിശ്രമിക്കാനും പൂച്ചെടികളുടെ ഭംഗി ആവോളം ആസ്വദിക്കാനും കഴിയും വിധം ഇവിടം സ്നേഹാ രാമമാക്കി മാറ്റിയിരിക്കുകയാണ് വണ്ടൻമേട് എം ഇ എസ് ഹയർ സെക്കൻഡറി സ്കൂളിലെ എൻ. എസ് എസ് യൂണിറ്റ് .

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കേരള ശുചിത്വ മിഷനുമായും പഞ്ചായത്ത് വകുപ്പുമായും സഹകരിച്ചാണ് വിദ്യാർഥികൾ സ്നേഹാരാമം തയ്യാറാക്കിയത്. മാലിന്യങ്ങളാൽ നിറഞ്ഞ ഈ ഭാഗം , സപ്തദിന സഹവാസ ക്യാംപിന്റെ ഭാഗമായാണ് എൻ എസ് എസ് വോളണ്ടിയേഴ്സ് മനോഹരമാക്കിയത്. പൂച്ചെടികളും ഫലവൃക്ഷ തൈകളും നട്ടുപിടിപ്പിച്ചതോടൊപ്പം ഉപയോഗശൂന്യമായ ചില്ലുകുപ്പികളിൽ പെയിന്റിങ് നടത്തി ആകർഷണീയവുമാക്കി.

നാട്ടുകാരുടെയും പൗര പ്രമുഖരുടെയും സാന്നിധ്യത്തിൽ വണ്ടൻമേട് ഗ്രാമ പഞ്ചായത്ത് പ്രസിഡന്റ് സുരേഷ് മാനങ്കേരിയിൽ ആണ് സ്നേഹാരാമത്തിന്റെ ഉദ്ഘാടനം നിർവഹിച്ചത്. ചടങ്ങിൽ പ്രിൻസിപ്പൽ ഫിറോസ് സി എം , വാർഡ് മെംബർ സിസിലി സജി, പി ടി എ പ്രസിഡന്റ് ഷോജി മാത്യു, പ്രോഗ്രാം ഓഫിസർ അബ്ദുൾ റഷീദ് പി പി , വോളണ്ടിയർ ലീഡർ അമൃത മുരളീധരൻ സംസാരിച്ചു.

News Tag Live യുട്യൂബ് ചാനല്‍ Subscribe ചെയ്യുക