സോനാ ഗോള്‍ഡ്‌ & ഡയമണ്ട്സിന്‍റെ നവീകരിച്ച ഷോറൂം ജിദ്ദയില്‍ തുറന്നു

ജിദ്ദ: സോനാ ഗോള്‍ഡ്‌ & ഡയമണ്ട്സിന്‍റെ നവീകരിച്ച ഷോറൂം ജിദ്ദ ബലദിലുള്ള ഗോള്‍ഡ്‌ മാര്‍ക്കറ്റില്‍ പ്രവര്‍ത്തനം ആരംഭിച്ചു. നവീകരിച്ച ഷോറൂമിന്റെ ഉത്ഘാടനം മാനേജിങ് ഡയരക്ടര്‍ വിവേക് മോഹനും പത്നി ശ്രുതി വിവേകും ചേര്‍ന്ന് നിര്‍വഹിച്ചു. ജിദ്ദ ഷോറൂം മാനേജര്‍ അബ്ദുല്‍ റഹ്മാന്‍ ഹുസൈന്‍ അലി സിക്കന്ദര്‍ക്ക് ആദ്യ വില്പന കൈമാറി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സൗദി അറേബ്യയില്‍ ആദ്യമായി 22 കാരറ്റ് സ്വര്‍ണം പരിചയപ്പെടുത്തിയ സോനാ ഗോള്‍ഡ്‌ & ഡയമണ്ട്സ് 40 വര്‍ഷം പൂര്‍ത്തിയാക്കിയ ആഘോഷവേളയിലാണുള്ളത്. ഇതിന്റെ ഭാഗമായി സൗദി അറേബ്യയില്‍ ഉള്ള എല്ലാ ഷോറൂമുകളിലും ഡിസംബര്‍ 15 ആം തീയതി മുതല്‍ ആകര്‍ഷകമായ നിരവധി ഓഫറുകള്‍ പ്രഖ്യാപിച്ചിട്ടുണ്ട്. സൗദി അറേബ്യ, ബഹ്‌റൈന്‍, ഒമാന്‍ എന്നിവിടങ്ങളിലായി ഒന്‍പത് ഷോറൂമുകളാണ് സോനക്കുള്ളത്.

2025 ജനുവരിയില്‍ ബഹ്‌റൈന്‍ ലുലു മാളില്‍ സോനാ ഗോള്‍ഡ്‌ & ഡയമണ്ട്സിന്‍റെ പുതിയ ഒരു ഷോറൂം കൂടി തുറന്ന് പ്രവര്‍ത്തനം ആരംഭിക്കുന്നു. കൂടാതെ അടുത്ത വര്ഷം ജി.സി.സി. രാജ്യങ്ങളില്‍ 15 ഷോറൂമുകള്‍ കൂടി തുറക്കാനുള്ള തയ്യാറെടുപ്പിലാണ്. ചെട്ടിനാട്, രത്നം, സൂഫി, ഇലക്ട്രോഫോമിങ് ആൻ്റിക് തുടങ്ങി നവീനവും പൗരാണികവുമായ ആഭരണങ്ങളുടെ കമനീയമായ കലവറ തന്നെ എല്ലാ ഷോറൂമുകളിലും സോനാ ഉപഭോക്താക്കള്‍ക്കായി ഒരുക്കി വെച്ചിട്ടുണ്ട്.

സ്വന്തം ഫാക്ടറിയില്‍ നിര്‍മിക്കുന്നത് കൊണ്ട് തന്നെ ആഭരണങ്ങളുടെ ഗുണമേന്മയും 916 പരിശുദ്ധിയും പൂര്‍ണ്ണമായും ഉറപ്പാക്കിയാണ് സോനാ ആഭരണങ്ങളെല്ലാം ഉപഭോക്താക്കളിലേക്കെത്തിക്കുന്നത്. അമീറ അല്‍ അനീസി, മുഹമ്മദ്‌ ഖഹ്ത്താനി, അബ്ദുല്‍ റഹ്മാന്‍, ജിന്ഷാദ്, സുരേഷ്, ശ്രീജിത്ത്, പ്രഭുദാസ്, ഷീബ മജീദ്‌, മനു എന്നിവര്‍ ഉദ്ഘാടന ചടങ്ങില്‍ സന്നിഹിതരായിരുന്നു.