23
Mar 2025
Sat
തിരുവനന്തപുരം: സ്റ്റുഡന്റ്സ് പോലീസ് കേഡറ്റുകള്ക്ക് സംസ്ഥാന സര്ക്കാരിന്റെ വമ്പന് പ്രഖ്യാപനം. (SPC CADETS WILL BE GIVEN WEIGHTAGE IN PSC POSTS ) എസ്എസ്എല്സി, പ്ലസ് ടു തലങ്ങളില് എസ്പിസി പരിശീലനം വിജയകരമായി പൂര്ത്തിയാക്കുന്ന വിദ്യാര്ത്ഥികള്ക്ക് പിഎസ്സി വഴി യൂണിഫോം സര്വ്വീസുകളിലെ നിയമനത്തിന് വെയിറ്റേജ് അനുവദിക്കും.
 |
|
മന്ത്രിസഭാ യോഗത്തിലാണ് തീരുമാനം. ഹൈസ്കൂള്, ഹയര് സെക്കണ്ടറി തലങ്ങളിലായി നാല് വര്ഷം ട്രെയിനിംഗ് പൂര്ത്തിയാക്കുന്നവരും എ പ്ലസ് ഗ്രേഡ് കരസ്ഥമാക്കുന്നവരുമായ കേഡറ്റുകള്ക്കാണ് 5 ശതമാനം വെയിറ്റേജ് നല്കുക.
ഹൈസ്കൂള്, ഹയര്സെക്കണ്ടറി തലങ്ങളിലായി നാലു വര്ഷം ട്രൈയിനിംഗ് പൂര്ത്തിയാക്കുന്ന, ഹൈസ്കൂള് തലത്തില് എ പ്ലസ് ഗ്രേഡും ഹയര് സെക്കണ്ടറി തലത്തില് എ ഗ്രേഡും കരസ്ഥമാക്കുന്നവരും, ഹൈസ്കൂള് തലത്തില് എ ഗ്രേഡും ഹയര് സെക്കണ്ടറി തലത്തില് എ പ്ലസ് ഗ്രേഡും കരസ്ഥമാക്കുന്നവരും ഹൈസ്കൂള് തലത്തിലും ഹയര് സെക്കണ്ടറി തലത്തിലും എ ഗ്രേഡ് കരസ്ഥമാക്കുന്നവരുമായ കേഡറ്റുകള്ക്ക് നാല് ശതമാനം വെയിറ്റേജും അനുവദിക്കും.
ഹൈസ്കൂള് തലത്തിലോ ഹയര്സെക്കണ്ടറിതലത്തിലോ രണ്ടു വര്ഷം ട്രെയിനിംഗ് പൂര്ത്തിയാക്കുകയും എ പ്ലസ് ഗ്രേഡ് കരസ്ഥമാക്കുകയും ചെയ്യുന്ന കേഡറ്റുകള്ക്ക് മൂന്ന് ശതമാനം വെയിറ്റേജ് ലഭിക്കും. ഹൈസ്കൂള് തലത്തിലോ ഹയര്സെക്കണ്ടറി തലത്തിലോ രണ്ടു വര്ഷം ട്രെയിനിംഗ് പൂര്ത്തിയാക്കുകയും എ ഗ്രേഡ് കരസ്ഥമാക്കുകയും ചെയ്യുന്ന കേഡറ്റുകള്ക്ക് രണ്ട് ശതമാനമാണ് വെയിറ്റേജ് ലഭിക്കുക.
ഉന്നത വിദ്യാഭ്യാസ സ്ഥാപനങ്ങളിലും സ്റ്റുഡന്റ് പൊലീസ് കേഡറ്റ് പദ്ധതി വ്യാപിപ്പിക്കുന്നത് പരിശോധിക്കാനും തീരുമാനിച്ചിട്ടുണ്ട്.
Latest News
More Stories
All Rights Reserved © 2022