ആശുപത്രിയിൽ കെജിഎംഒയുടെ പോസ്റ്റർ പതിച്ചതിനെതിരേ ചീഫ് സെക്രട്ടറിക്ക് പരാതി

സർക്കാർ ഓഫിസുകളുടെ പരിസരങ്ങളിൽ പോസ്റ്ററുകൾ, ബാനറുകൾ എന്നിവ ഒട്ടിക്കുന്നത് നിരോധിച്ചുകൊണ്ട് 2012ലെ നിർദേശങ്ങൾ No: 69 20/എ ആർ 13 (2) / 2012/ഉ ഭ പ വ തിയ്യതി തിരുവനന്തപുരം 2012 നവംബർ 28 പ്രകാരം സർക്കാർ സ്ഥാപനങ്ങളിൽ പരസ്യങ്ങളും മറ്റു പ്രചരണങ്ങളും പാടില്ലെന്ന ഉത്തരവ് ലംഘിച്ച് പോസ്റ്റർ പതിച്ച ഡോക്ടർമാരുടെ സംഘടനയായ കെജി എം ഒ തൊഴിലാളി സംഘടനയുടെ പേരിലുള്ള പോസ്റ്റർ ഒട്ടിച്ചതിന്, ആശുപത്രി സൂപ്രണ്ട്, ഡിഎംഒഎന്നിവർക്കെതിരെ പരാതി നൽകി. സംസ്ഥാന ചീഫ് സെക്രട്ടറിക്കയച്ച പരാതിയിൽ ബന്ധപ്പെട്ട ഉദ്യോഗസ്ഥർ സർക്കാർ നിർദ്ദേശം ലംഘിച്ചത് ചട്ടവിരുദ്ധമാണെന്നും സർക്കാർ സ്ഥാപനങ്ങളിൽ ഇത്തരം പോസ്റ്റുകൾ ഒട്ടിച്ചതിലൂടെ ഉദ്യോഗസ്ഥർ ഗവൺമെൻറ് ഉത്തരവ് ലംഘിക്കുന്നത് ഭരണഘടനാവിരുദ്ധമാണെന്നും ചൂണ്ടികാട്ടിയാണ് പരാതി ജനകീയമായി അയച്ചതുടങ്ങിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മഞ്ചേരി ജനറൽ ആശുപത്രിയിൽ നിന്ന് താലൂക്ക് ആശുപത്രിയിലേക്ക് സ്ഥലംമാറ്റം നിശ്ചയിക്കപ്പെട്ട പത്തിലേറെ ഡോക്ടർമാർ കൂട്ട അവധിയെടുത്തത് സമരമായി മാറ്റുകയായിരുന്നു. താലൂക്ക് ആശുപത്രികളിൽ ഡോക്ടർമാരുടെ സേവനം കൂടുതൽ പ്രയോജനപ്പെടുത്തുന്നതിനായുള്ള ഉത്തരവിനെതിരേ മെഡിക്കൽ ലീവെടുത്ത് പ്രതിഷേധിക്കുന്ന കൂട്ട അവധി പ്രഖ്യാപന പോസ്റ്ററുകളാണ് ആശുപത്രികളിൽ പതിച്ചിട്ടുള്ളത്. സർക്കാർ ആശുപത്രികളിൽ ഇത്തരം പോസ്റ്റുകൾ പരസ്യങ്ങൾ പാടില്ലന്ന സർക്കുലർ നിലനിൽക്കെയാണ് ഉദ്യോഗസ്ഥരുടെ നിയമ ലംഘനം’ വ്യാപകമായത്.