01
Oct 2024
Sat
ദുബൈയ്: റോഡ്സ് ആന്ഡ് ട്രാന്സ്പോര്ട്ട് അതോറിറ്റിയുടെ (RTA) സേവനങ്ങള് ഉപയോഗിക്കുന്ന ദുബൈ നിവാസികള്ക്ക് ഇനി തവണകളായി പേയ്മെന്റുകള് ചെയ്യാവുന്നതാണ്. സ്മാര്ട്ട് കിയോസ്കുകളിലുടനീളം RTA സേവനങ്ങള് ഉപയോഗിക്കുന്ന ഉപഭോക്താക്കള്ക്ക് ഇന്സ്റ്റാള്മെന്റ് സൗകര്യം ഒരുക്കുന്നതിന് ഷോപ്പിംഗ്, ഫിനാന്ഷ്യല് സര്വീസ് ആപ്പ് ടാബിയുമായി അതോറിറ്റി സഹകരിക്കുമെന്ന് ദുബൈ RTAയിലെ ഡിജിറ്റല് സേവനങ്ങളുടെ ഡയറക്ടര് മീര അല്ഷൈഖ് അറിയിച്ചു.
 |
|
വാഹന ലൈസന്സ് പുതുക്കല്, ഡ്രൈവിംഗ് ലൈസന്സ്, പിഴ അടയ്ക്കല് തുടങ്ങിയ ആര്ടിഎ വാഗ്ദാനം ചെയ്യുന്ന ഡിജിറ്റല് സേവനങ്ങള്ക്കായി പേയ്മെന്റുകള് നടത്തുമ്പോള് സ്മാര്ട്ട് RTA കിയോസ്കുകളില് ടാബിയുടെ എളുപ്പത്തിലുള്ള ഇന്സ്റ്റാള്മെന്റ് പ്ലാന് തിരഞ്ഞെടുക്കാന് ഉപഭോക്താക്കള്ക്ക് അവസരം ലഭിക്കും. RTA പേയ്മെന്റുകള് എല്ലാ ഉപഭോക്താക്കള്ക്കും ആക്സസ് ചെയ്യാവുന്നതാണെന്ന് ഉറപ്പുവരുത്തുന്നതിനാണ് ഈ സേവനം ലഭ്യമാക്കുന്നതെന്ന് അധികൃതര് അറിയിച്ചു.
ആര്ടിഎയുടെ കിയോസ്കുകള് പിഴ അടയ്ക്കല്, വാഹനം, ഡ്രൈവിംഗ് ലൈസന്സ്, സര്ട്ടിഫിക്കറ്റുകള്, സീസണല് പാര്ക്കിംഗ് കാര്ഡ് എന്നിവയും മറ്റും ഉള്പ്പെടെ നിരവധി സേവനങ്ങള് വാഗ്ദാനം ചെയ്യുന്നു.
ഉപഭോക്താക്കള്ക്ക് ഇന്സ്റ്റാള്മെന്റ് പ്ലാന് അവതരിപ്പിക്കുന്ന ആദ്യത്തെ ദുബൈ സ്ഥാപനങ്ങളിലൊന്നാണ് ആര്ടിഎ. എമിറേറ്റിലുടനീളം അതോറിറ്റിക്ക് 30 സ്മാര്ട്ട് കിയോസ്കുകള് ഉണ്ട്. ‘ആര്ടിഎയുടെ സ്മാര്ട്ട് കിയോസ്ക്കുകള് വഴി ഉപഭോക്താവിന് അവരുടെ വാഹന ലൈസന്സും ഡ്രൈവിംഗ് ലൈസന്സും ഉടന് പുതുക്കാനും പ്രിന്റെടുക്കാനും കഴിയും. മുഴുവന് നടപടിയും ഒരു മിനിറ്റില് താഴെ മാത്രമെ സമയമെടുക്കൂ.
Traffic fines can be paid in installments; Payment is that easy in Dubai
Latest News
More Stories
All Rights Reserved © 2022