ചവറയില്‍ ഇന്‍സുലേറ്റഡ് വാന്‍ ബൈക്കുമായി കൂട്ടിയിടിച്ച് വ്യവസായിയടക്കം രണ്ടുപേര്‍ തല്‍ക്ഷണം മരിച്ചു

ചവറ: ദേശീയപാതയില്‍ ബസ് സ്റ്റാന്‍ഡിനു സമീപം ഇന്‍സുലേറ്റഡ് വാന്‍ ബൈക്കുമായി കൂട്ടിയിടിച്ച് വ്യവസായിയടക്കം രണ്ടുപേര്‍ തല്‍ക്ഷണം മരിച്ചു. ചവറ കൊറ്റന്‍കുളങ്ങര ജംക്ഷനില്‍ വസ്ത്രവ്യാപാര ശാല നടത്തുന്ന കരുനാഗപ്പള്ളി പടനായര്‍കുളങ്ങര തെക്ക് കൈതവാരത്ത് വീട്ടില്‍ കിരണ്‍രാജ് (48), ചവറ പുതുക്കാട് കൃഷ്ണാലയത്തില്‍ രാധാകൃഷ്ണന്‍ (52) എന്നിവരാണ് മരിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇന്നലെ രാത്രി 7.30 ന് ദേശീയപാതയില്‍ ചവറ ബസ് സ്റ്റാന്‍ഡിനു സമീപമായിരുന്നു അപകടം. പാല്‍ കയറ്റി കൊല്ലം ഭാഗത്തേക്ക് പോകുകയായിരുന്ന ഇന്‍സുലേറ്റഡ് വാന്‍ ഇരുവരും സഞ്ചരിക്കുകയായിരുന്ന ബൈക്കില്‍ ഇടിക്കുകയായിരുന്നു. റോഡില്‍ തെറിച്ച് വീണ കിരണിന്റെ ശരീരത്തിലൂടെ വാന്‍ കയറിയിറങ്ങി. രണ്ടുപേരും തല്‍ക്ഷണം മരിച്ചു. സൗമ്യയാണ് കിരണിന്റെ ഭാര്യ. മകന്‍: അപ്പു കിരണ്‍. രാധാകൃഷ്ണന്റെ ഭാര്യ മഞ്ജു (ആശ വര്‍ക്കര്‍ ചവറ ഗ്രാമപഞ്ചായത്ത്). മക്കള്‍: ഹരികൃഷ്ണന്‍, യദുകൃഷ്ണന്‍. ഇരുവരുടെയും സംസ്‌കാരം ഇന്ന് നടക്കും.

News Tag Live യുട്യൂബ് ചാനല്‍ Subscribe ചെയ്യുക