25
Dec 2024
Tue
കോഴിക്കോട്: ജലനിരപ്പ് ഉയര്ന്നതിനെത്തുടര്ന്ന് കക്കയം ഡാമില് ബ്ലൂ അലര്ട്ട് പ്രഖ്യാപിച്ചു. ജലനിരപ്പ് 755.70 മീറ്ററായി ഉയര്ന്നതോടെയാണ് ബ്ലൂ അലര്ട്ട് നിലവില്വന്നത്. കെഎസ്ഇബിയുടെ കീഴിലുള്ള കുറ്റ്യാടി ജലവൈദ്യുത പദ്ധതിയുടെ ഭാഗമാണ് കക്കയം അണക്കെട്ട്. ജലനിരപ്പ് 2485.20 അടിയില് എത്തിയാല് റെഡ് അലര്ട്ട് പുറപ്പെടുവിക്കും. ഡാം ഷട്ടര് തുറന്നാല് കരിയാത്തുംപാറ പുഴയിലും പെരുവണ്ണാമൂഴി അണക്കെട്ടിലും ജലനിരപ്പ് വര്ധിക്കുമെന്ന് അധികൃതര് അറിയിച്ചു. വടക്കന് ജില്ലകളില് ഇന്നും കനത്ത മഴ തുടരുമെന്നാണ് കാലാവസ്ഥ വകുപ്പിന്റെ പ്രവചനം.
 |
|
ഇന്നും കനത്ത മഴ തുടരും
അതേസമയം, കേരളത്തില് ഇന്നും കനത്ത മഴ തുടരും. രണ്ട് ജില്ലകളില് ഓറഞ്ച് അലര്ട്ടുണ്ട്. ഏഴ് ജില്ലകളില് യെല്ലോ മുന്നറിയിപ്പ്. കണ്ണൂര്, കാസര്ക്കോട് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചത്. എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യല്ലോ അലര്ട്ട്.
മത്സ്യത്തൊഴിലാളികള്ക്ക്
കേരള, കര്ണാടക തീരങ്ങളില് ഇന്നും ലക്ഷദ്വീപ് പ്രദേശത്ത് ഇന്ന് മുതല് വ്യാഴാഴ്ച വരെയും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കര്ണാടക തീരങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത നിലനില്ക്കുന്നു.
Water level rises: Blue alert at Kakkayam Dam
Latest News
More Stories
All Rights Reserved © 2022