മാളിലെ കളി തീവണ്ടി മറിഞ്ഞ് 10 വയസ്സുകാരന്‍ മരിച്ചു

മാളിലെ കളി തീവണ്ടിയില്‍ നിന്ന് വീണ് പത്തുവയസ്സുകാരന്‍ മരിച്ചു. ചണ്ഡീഗഡിലാണ് സംഭവം.എലേന്‍ഡ് മാളിലെ കളി തീവണ്ടിയില്‍ ഇരിക്കുകയായിരുന്ന ഷഹബാസ് എന്ന കുട്ടിയാണ് മരിച്ചത്. കളി തീവണ്ടിയിലെ ഒരു കോച്ച് മറിയുകയും ഈ സമയം കുട്ടി തെറിച്ചുവീഴുകയുമായിരുന്നു. ഗുരുതരമായി പരിക്കേറ്റ കുട്ടിയെ ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മാളിനുള്ളില്‍ ഓടുന്ന കളി തീവണ്ടി വളവ് തിരിയുന്നതിനിടെയാണ് പിന്നിലെ കോച്ച് മറിഞ്ഞത്. ഷഹബാസിന്റെ ബന്ധുവായ മറ്റൊരു കുട്ടിയും ഇതേ കോച്ചിലുണ്ടായിരുന്നെങ്കിലും പരിക്കേല്‍ക്കാതെ രക്ഷപ്പെട്ടു. കളി തീവണ്ടി ഓടിച്ചിരുന്ന ഡ്രൈവറെ പോലീസ് അറസ്റ്റ് ചെയ്യുകയും വാഹനം പിടിച്ചെടുക്കുകയും ചെയ്തു.