ബംഗളൂരു മെട്രോ ട്രെയിനിന് മുന്നില്‍ ചാടി മലയാളി യുവാവ് ആത്മഹത്യക്ക് ശ്രമിച്ചു; ഗുരുതര നിലയില്‍

ബംഗളൂരു മെട്രോ ട്രെയിനിന് മുന്നില്‍ ചാടി മലയാളി യുവാവ് ആത്മഹത്യക്ക് ശ്രമിച്ചു; ഗുരുതര നിലയില്‍

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ബംഗളുരു: ബംഗളൂരു മെട്രോ ട്രെയിനിന് മുന്നില്‍ ചാടി മലയാളി യുവാവ് ആത്മഹത്യക്ക് ശ്രമിച്ചു. 23കാരനായ ഷാരോണാണ് ആത്മഹത്യ ശ്രമം നടത്തിയത്. ട്രെയിന്‍ ഇടിച്ച യുവാവിന് വൈദ്യുത ലൈനില്‍ തട്ടി ഗുരുതരമായി ഷോക്കേല്‍ക്കുകയും ചെയ്തു. ഗ്രീന്‍ ലൈനിലുള്ള ജാലഹള്ളി മെട്രോ സ്റ്റേഷനില്‍ വൈകിട്ട് 7.12നാണ് സംഭവമുണ്ടായത്.

മെട്രോ സ്റ്റേഷനില്‍ എത്തിയ യുവാവ് പ്ലാറ്റ്‌ഫോമിന്റെ അറ്റത്തായാണ് ട്രെയിന്‍ കാത്തു നിന്നത്. ട്രെയിന്‍ വരുന്നതുകണ്ടതോടെ ട്രാക്കിലേക്ക് ചാടുകയായിരുന്നു. സ്ഥലത്തുണ്ടായിരുന്നു മെട്രോ ജീവനക്കാര്‍ ഉടന്‍ ഇയാളെ രക്ഷിക്കുകയായിരുന്നു. തുടര്‍ന്ന് യുവാവിനെ ആദ്യം യശ്വന്ത് പുര സഞ്ജീവനി ആശുപത്രിയിലേക്കും പിന്നീട് സപ്താഗിരി മെഡിക്കല്‍ കോളേജിലേക്കും മാറ്റി.

സംഭവത്തെത്തുടര്‍ന്ന് ഒന്നരമണിക്കൂറോളം ഗ്രീന്‍ലൈനില്‍ മെട്രോ സര്‍വീസ് നിര്‍ത്തിവച്ചു. നിലവില്‍ തീവ്രപരിചരണവിഭാഗത്തില്‍ ചികിത്സയിലുളള യുവാവിന്റെ നില അതീവഗുരുതരമാണെന്ന് ഡോക്ടര്‍മാര്‍ അറിയിച്ചു. ആത്മഹത്യ ശ്രമത്തിനുള്ള കാരണം വ്യക്തമല്ല.

23-year old man jumps before train; Bengaluru Metro’s Green Line services disrupted for nearly 50 mins