കല്ലറയിൽ ഒമ്പതാം ക്ലാസ് വിദ്യാർഥി ആത്മഹത്യ ചെയ്‌ത സംഭവത്തിൽ 58കാരൻ അറസ്റ്റിൽ

കല്ലറയിൽ ഒമ്പതാം ക്ലാസ് വിദ്യാർഥി ആത്മഹത്യ ചെയ്‌ത സംഭവത്തിൽ 58കാരൻ അറസ്റ്റിൽ. കല്ലറ സ്വദേശിയായ ധർമരാജൻ ആണ് അറസ്റ്റിലായത്. ആത്മഹത്യ ചെയ്ത കുട്ടി ലൈം​ഗികപീഡനത്തിന് ഇരയായിരുന്നുവെന്ന പ്രദേശവാസികളുടെ മൊഴിയാണ് പ്രതിയെ പിടികൂടാൻ സഹായിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇയാൾക്കെതിരേ പോക്സോ നിയമപ്രകാരം കേസെടുത്തു. കഴിഞ്ഞയാഴ്ച വൈകുന്നേരത്തോടെയാണ് വിദ്യാർഥിയെ വീടിൻറെ വരാന്തയിൽ മരിച്ച നിലയിൽ കണ്ടെത്തിയത്. തുടക്കത്തിൽ അസ്വാഭാവിക മരണമെന്ന നിലയിലാണ് പോലീസ് കേസെടുത്തത്. കുട്ടിയെ ലൈം​ഗികപീഡനത്തിന് ഇരയാക്കിയിരുന്നുവെന്ന വിവരം ലഭിച്ചതോടെ പോലീസ് ധർമരാജനെ പിടികൂടുകയായിരുന്നു.

ചോദ്യം ചെയ്യലിൽ താൻ മുൻപ് കുട്ടിയെ പീഡനത്തിന് ഇരയാക്കിയിരുന്നതായി പ്രതി സമ്മതിച്ചു. പീഡനത്തിൽ മനംനൊന്ത് കുട്ടി ജീവനൊടുക്കുകയായിരുന്നുവെന്നാണ് നിഗമനം. അറസ്റ്റ് ചെയ്ത് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ALSO READ: 15കാരന്‍ വോളിബോള്‍ കളിക്കിടെ കുഴഞ്ഞുവീണു മരിച്ചു

News Tag Live യുട്യൂബ് ചാനല്‍ Subscribe ചെയ്യുക