ആലപ്പുഴയില്‍ വീട്ടില്‍ നിന്ന് വന്‍ ആയുധ ശേഖരം കണ്ടെത്തി

ആലപ്പുഴയിലെ കുമാരപുരത്ത് വീട്ടില്‍ നിന്ന് പോലീസ് വന്‍ ആയുധ ശേഖരം കണ്ടെത്തി. (Huge cache of weapons found at home in Alappuzha) കായല്‍വാരത്തെ കിഷോറിന്റെ വീട്ടില്‍ നിന്നാണ് അമേരിക്കന്‍ നിര്‍മിത പിസ്റ്റള്‍, 53 വെടിയുണ്ട, 2 വാള്‍, മഴു, സ്റ്റീല്‍ പൈപ്പ് തുടങ്ങിയ മാരകായുധങ്ങള്‍ കണ്ടെത്തിയത്. നിരവധി ക്രിമിനല്‍ കേസുകളില്‍ പ്രതിയാണ് കിഷോര്‍.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

2017ല്‍ കാണാതായ ഹരിപ്പാട് കമലാറ്റൂര്‍ സ്വദേശി രാകേഷിനെക്കുറിച്ചുള്ള അന്വേഷണവുമായി ബന്ധപ്പെട്ട തിരച്ചിലിലാണ് പോലീസ് വന്‍ ആയുധ ശേഖരം കണ്ടെത്തിയത്.

രാകേഷിന്റെ മാതാവ് രമ ഹരിപ്പാട് മജിസ്‌ട്രേറ്റ് ഫസ്റ്റ് ക്ലാസ് കോടതിയില്‍ നല്‍കിയ ഹരജിയെ തുടര്‍ന്നായിരുന്നു പോലീസ് അന്വേഷണം. തന്റെ മകനെ കൊലപ്പെടുത്തി കുഴിച്ചുമൂടിയതാണെന്നാണ് ഹരജിയില്‍ പറയുന്നത്. നേരത്തേ മിസ്സിങ് കേസായാണ് പോലീസ് ഇത് പരിഗണിച്ചിരുന്നത്.

ALSO READ: പ്രണയ വിവാഹം; ലഹരിക്കടിമയായി ക്രൂര മര്‍ദ്ദനം; പിണങ്ങിപ്പിരിഞ്ഞിട്ടും പിറകെയെത്തി കൊന്നു

ഈ ഹരജിയില്‍ പേര് പരാമര്‍ശിക്കപ്പെട്ടിട്ടുള്ള കിഷോര്‍ ഉള്‍പ്പെടെയുള്ള ഏഴ് പേരുടെ വീട്ടില്‍ പോലീസ് റെയ്ഡ നടത്തിയിരുന്നു. ഇതിലാണ് കിഷോറിന്റെ വീട്ടില്‍ നിന്ന് ആയുധങ്ങള്‍ കണ്ടെത്തിയത്. റെയ്ഡ് നടക്കുമ്പോള്‍ കിഷോര്‍ വീട്ടിലുണ്ടായിരുന്നില്ല.

അമരിക്കന്‍ നിര്‍മിത പിസ്റ്റള്‍ കുക്കറില്‍ ഒളിപ്പിച്ച നിലയിലായിരുന്നു. വിറകിനുള്ളില്‍ നിന്നാണ് മറ്റു ആയുധങ്ങള്‍ കണ്ടെത്തിയത്. ഇതേ തുടര്‍ന്ന് പോലീസ് അന്വേഷണം വ്യാപിപ്പിച്ചിട്ടുണ്ട്.

ALSO WATCH