‘ആദ്യം നിങ്ങളുടെ ഐഡി കാണിക്കൂ…’ വാരാണസിയിലും മുഹമ്മദ് ദീപക് എഫക്ട്; മുസ്ലിം ഷോപ്പുടമകളോട് ഐഡി ചോദിച്ച സംഘപരിവാര പ്രവര്‍ത്തകരെ ഓടിച്ച് നാട്ടുകാര്‍

വാരാണസിയിലെ മുസ്ലിം ഉടമസ്ഥതയിലുള്ള ആട് വില്‍പന ശാലകളില്‍ എത്തി തിരിച്ചറിയല്‍ രേഖകളും ലൈസന്‍സുകളും ആവശ്യപ്പെട്ട ഹിന്ദുത്വ സംഘടനാ പ്രവര്‍ത്തകരെ നേരിട്ട് നാട്ടുകാര്‍. ബുധനാഴ്ച പുലര്‍ച്ചെ നടന്ന സംഭവത്തിന്റെ വീഡിയോ ദൃശ്യങ്ങള്‍ സോഷ്യല്‍ മീഡിയയില്‍ വൈറലായി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഹിന്ദുക്കളും മുസ്ലിങ്ങളും ഉള്‍പ്പെട്ട നാട്ടുകാരുടെ വലിയൊരു സംഘം ഈ ഗ്രൂപ്പിനെ പ്രതിരോധിക്കുകയും മുദ്രാവാക്യം വിളികളോടെ അവിടെനിന്ന് ഓടിക്കുകയും ചെയ്തു. ഐഡി ചോദിച്ചു വന്നവരോട് ആദ്യം നിങ്ങളുടെ ഐഡി കാണിക്കൂ എന്ന് നാട്ടുകാര്‍ ആവശ്യപ്പെടുകയായിരുന്നു. ഇതോടെ രംഗം പന്തിയല്ലെന്ന് കണ്ട സംഘപരിവാര പ്രവര്‍ത്തകര്‍ സ്ഥലത്ത് നിന്ന് രക്ഷപ്പെട്ടു.

A powerful moment from #Varanasi shows ordinary citizens doing something extraordinary — standing up for their neighbors. When a group allegedly demanded IDs from #Muslim shop owners, locals pushed back, asking, “Show your ID first,” and peacefully escorted them away.

Courage… pic.twitter.com/a5KSNV1K9J

— Hate Detector 🔍 (@HateDetectors) February 18, 2026

‘മുഹമ്മദ് ദീപക്’ പ്രഭാവം

ഈ സംഭവത്തെ ഉത്തരാഖണ്ഡില്‍ അടുത്തിടെ നടന്ന മറ്റൊരു സംഭവവുമായി പലരും ബന്ധിപ്പിക്കുന്നുണ്ട്. അവിടെ ഒരു മുസ്ലിം കടയുടമയെ സംരക്ഷിക്കാന്‍ ദീപക് കുമാര്‍ എന്ന വ്യക്തി മുന്നോട്ടുവരികയും തന്റെ പേര് ‘മുഹമ്മദ് ദീപക്’ ആണെന്ന് പ്രഖ്യാപിക്കുകയും ചെയ്തിരുന്നു. ഐക്യത്തിന്റെ സന്ദേശം നല്‍കിയ ആ സംഭവത്തിന്റെ സ്വാധീനമാണ് (Mohammed Deepak effect) വാരാണസിയിലും കണ്ടതെന്നാണ് സോഷ്യല്‍ മീഡിയയിലെ സംസാരം.

ക്ഷേത്രങ്ങള്‍ക്ക് സമീപമുള്ള ഇറച്ചി കടകള്‍ക്ക് വാരാണസിയില്‍ നിരോധനമുണ്ട്. എന്നാല്‍, നിയമം കൈയ്യിലെടുത്തുകൊണ്ടുള്ള ഇത്തരം പരിശോധനകള്‍ (Vigilantism) വിശുദ്ധ നഗരത്തില്‍ വലിയ ചര്‍ച്ചകള്‍ക്കും തര്‍ക്കങ്ങള്‍ക്കും വഴിതെളിച്ചിരിക്കുകയാണ്.

News Tag Live യുട്യൂബ് ചാനല്‍ Subscribe ചെയ്യുക