ഭക്ഷണമുണ്ടാക്കുന്നതിനെ ചൊല്ലി അമ്മായി അമ്മയുമായി തര്‍ക്കം; ഐടി എന്‍ജിനീയര്‍ ജീവനൊടുക്കി

ബെംഗളൂരുവിലെ വസതിയില്‍ കുടുംബപ്രശ്‌നങ്ങളെത്തുടര്‍ന്ന് 35 കാരിയായ ഐടി എന്‍ജിനീയര്‍ ജീവനൊടുക്കി. ഡെല്‍ (Dell) കമ്പനിയിലെ മുന്‍ ജീവനക്കാരിയായ സുഷമയാണ് മരിച്ചത്. സംഭവത്തില്‍ സ്ത്രീധന പീഡനാരോപണത്തെത്തുടര്‍ന്ന് സുഷമയുടെ ഭര്‍ത്താവിനെ പൊലീസ് അറസ്റ്റ് ചെയ്തു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ചൊവ്വാഴ്ചയാണ് സുഷമയെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തിയത്. അഞ്ച് വര്‍ഷം മുന്‍പായിരുന്നു പുനീത് കുമാറുമായുള്ള സുഷമയുടെ വിവാഹം. ഇവര്‍ക്ക് നാല് വയസ്സുള്ള ഒരു മകനുണ്ട്. കഴിഞ്ഞ കുറച്ചു കാലമായി നിസാര കാര്യങ്ങളെച്ചൊല്ലി വീട്ടില്‍ വഴക്കുകള്‍ പതിവായിരുന്നുവെന്ന് പൊലീസ് പറയുന്നു.

ഭക്ഷണത്തെച്ചൊല്ലിയുള്ള തര്‍ക്കം

സംഭവം നടന്ന ദിവസം ഭക്ഷണമുണ്ടാക്കുന്നതിനെച്ചൊല്ലി സുഷമയും ഭര്‍ത്താവിന്റെ അമ്മ കല്പനയും തമ്മില്‍ തര്‍ക്കമുണ്ടായതായി റിപ്പോര്‍ട്ടുകളുണ്ട്. സുഷമയെ പാചകം ചെയ്യാന്‍ അനുവദിക്കാതെ കല്പന നിരന്തരം മാനസികമായി പീഡിപ്പിച്ചിരുന്നതായി സുഷമയുടെ കുടുംബം ആരോപിച്ചു. ഈ മാനസിക വിഷമത്തിലാണ് സുഷമ ജീവനൊടുക്കിയതെന്ന് കരുതപ്പെടുന്നു.

പൊലീസ് നടപടി

സുഷമയുടെ കുടുംബം നല്‍കിയ സ്ത്രീധന പീഡന പരാതിയുടെ അടിസ്ഥാനത്തില്‍ ഭര്‍ത്താവ് പുനീത് കുമാറിനെ പൊലീസ് അറസ്റ്റ് ചെയ്തു. ഒളിവിലായ ഭര്‍ത്താവിന്റെ അമ്മ കല്പനയ്ക്കായി തിരച്ചില്‍ ഊര്‍ജിതമാക്കിയിട്ടുണ്ട്. സംഭവത്തില്‍ കേസ് രജിസ്റ്റര്‍ ചെയ്തതായും കൂടുതല്‍ അന്വേഷണം നടന്നുവരികയാണെന്നും പൊലീസ് അറിയിച്ചു.

News Tag Live യുട്യൂബ് ചാനല്‍ Subscribe ചെയ്യുക