അറബിക്കടലില്‍ 3000 കോടിയുടെ ലഹരി വേട്ട;അഞ്ച് പാകിസ്താന്‍ പൗരന്മാര്‍ അറസ്റ്റില്‍

മുംബൈ/ന്യൂഡല്‍ഹി: അറബിക്കടലില്‍ ലക്ഷദ്വീപ് തീരത്തിന് സമീപം നടന്ന സിനിമാ മോഡല്‍ ഓപ്പറേഷനില്‍ 3,000 കോടിയിലധികം രൂപ വിലമതിക്കുന്ന വന്‍ ലഹരിമരുന്ന് ശേഖരം പിടികൂടി. ഇന്ത്യന്‍ കോസ്റ്റ് ഗാര്‍ഡും (ICG) ഗുജറാത്ത് ഭീകരവിരുദ്ധ സേനയും (ATS) സംയുക്തമായി നടത്തിയ റെയ്ഡില്‍ ബോട്ടിലുണ്ടായിരുന്ന അഞ്ച് പാകിസ്താന്‍ പൗരന്മാരെ കസ്റ്റഡിയിലെടുത്തു. കള്ളക്കടത്തിന് ഉപയോഗിച്ച ഇറാനിയന്‍ നിര്‍മ്മിത തടി ബോട്ട് (Dhow) സുരക്ഷാസേന പിടിച്ചെടുത്തു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇന്റലിജന്‍സ് ഏജന്‍സികളില്‍ നിന്ന് ലഭിച്ച കൃത്യമായ വിവരത്തിന്റെ അടിസ്ഥാനത്തില്‍ ‘ഓപ്പറേഷന്‍ നഷാ മുക്തി’യുടെ ഭാഗമായാണ് സംയുക്ത സംഘം കടലില്‍ പരിശോധന നടത്തിയത്.

ALSO READ: മകനെ അര്‍ധരാത്രി ആത്മഹത്യയില്‍ നിന്ന് രക്ഷിച്ചത് പിതാവിന്റെ പോലീസ് ബുദ്ധി; തമിഴ്‌നാട്-കേരള പോലീസിന്റ സംയുക്ത ഓപ്പറേഷന്‍

കടലിലും ആകാശത്തും നിരീക്ഷണം; സാഹസികമായി കീഴടക്കി

In an intelligence-led joint operation with ATS Gujarat, and Central Intelligence Agency, @IndiaCoastGuard units interdicted a suspicious Iranian dhow in the Arabian Sea, west of #Lakshadweep. Positive detection, sustained tracking and a hot pursuit culminated in tactical… pic.twitter.com/p2BthJvndS

— Indian Coast Guard (@IndiaCoastGuard) September 30, 2026

അറബിക്കടലില്‍ സംശയാസ്പദമായ സാഹചര്യത്തില്‍ കണ്ടെത്തിയ ബോട്ടിനെ പിന്തുടര്‍ന്നായിരുന്നു തന്ത്രപരമായ ഓപ്പറേഷന്‍. കോസ്റ്റ് ഗാര്‍ഡിന്റെ ഫാസ്റ്റ് പട്രോള്‍ വെസലുകളും കപ്പലുകളും ഉപയോഗിച്ച് ബോട്ടിനെ വളയുകയും സിനിമാറ്റിക് രീതിയില്‍ സ്പീഡ് ബോട്ടുകളില്‍ കുതിച്ചെത്തിയ കമാന്‍ഡോകള്‍ ലഹരി സംഘത്തെ കീഴടക്കുകയുമായിരുന്നു.

വ്യോമസേനയുടെയും കോസ്റ്റ് ഗാര്‍ഡിന്റെയും നിരീക്ഷണ വിമാനങ്ങള്‍ ആകാശമാര്‍ഗ്ഗവും നിരീക്ഷണം നടത്തി. തുടര്‍ന്ന് നടത്തിയ വിശദമായ പരിശോധനയില്‍ ബോട്ടില്‍ ഒളിപ്പിച്ച നിലയില്‍ 526 കിലോഗ്രാം ഉയര്‍ന്ന ഗുണനിലവാരമുള്ള ഹെറോയിനും മെത്തംഫെറ്റമിനും (Methamphetamine) കണ്ടെടുത്തു. അന്താരാഷ്ട്ര വിപണിയില്‍ ഇതിന് 3,000 കോടി രൂപയിലേറെ വിലമതിക്കുമെന്ന് അധികൃതര്‍ അറിയിച്ചു.

ഇറാനിയന്‍ ബോട്ട്, പാകിസ്താന്‍ നെറ്റ്വര്‍ക്ക്

കസ്റ്റഡിയിലായ അഞ്ച് പേരും പാകിസ്താന്‍ സ്വദേശികളാണെന്ന് സ്ഥിരീകരിച്ചിട്ടുണ്ട്. അന്താരാഷ്ട്ര ലഹരിക്കടത്ത് സംഘമായ ‘ഹാജി സലീം നെറ്റ്വര്‍ക്ക്’ ഇതിന് പിന്നിലുണ്ടോ എന്ന് പോലീസ് സംശയിക്കുന്നു. ലഹരിമരുന്നും പിടിയിലായവരെയും പിടിച്ചെടുത്ത ബോട്ടും കൂടുതല്‍ അന്വേഷണത്തിനായി അടുത്തുള്ള പ്രധാന തീരത്തേക്ക് എത്തിച്ചിട്ടുണ്ട്.

നാര്‍ക്കോട്ടിക് കണ്‍ട്രോള്‍ ബ്യൂറോ (NCB), ഡി.ആര്‍.ഐ (DRI), കസ്റ്റംസ്, കേന്ദ്ര ഇന്റലിജന്‍സ് ഏജന്‍സികള്‍ എന്നിവരുടെ നേതൃത്വത്തില്‍ പ്രതികളെ സംയുക്തമായി ചോദ്യം ചെയ്യും. രാജ്യത്തിന്റെ പടിഞ്ഞാറന്‍ തീരം വഴി നടത്തുന്ന വന്‍കിട ലഹരിക്കടത്ത് ശൃംഖല തകര്‍ക്കാന്‍ ഈ വേട്ടയിലൂടെ സാധിച്ചതായി സുരക്ഷാ കേന്ദ്രങ്ങള്‍ വ്യക്തമാക്കി.

Tags: Arabian Sea Drug Bust, Indian Coast Guard Gujarat ATS, 3000 Crore Drugs Seized, Pakistani Nationals Arrested Drugs, Methamphetamine Heroin Seized Arabian Sea, National News Malayalam, Operation Nasha Mukti

News Tag Live യുട്യൂബ് ചാനല്‍ Subscribe ചെയ്യുക