വൃഷണം മുറിച്ച് മെഡിക്കൽ വിദ്യാർഥി ജീവനൊടുക്കി

ഹൈദരാബാദ്: വൃഷണം മുറിച്ച് മെഡിക്കൽ വിദ്യാർഥി ജീവനൊടുക്കി. യദ​ഗിരി​ഗുത്ത സ്വദേശിയായ ദീക്ഷിത് റെഡ്ഡിയാണ് മരിച്ചത്. ഹൈദരാബാദിലാണ് സംഭവം. വിഷാദരോ​ഗിയായിരുന്ന വിദ്യാർഥി മരുന്ന് കഴിക്കുന്നത് അവസാനിപ്പിച്ചിരുന്നുവെന്നാണ് പുറത്തുവരുന്ന വിവരം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അമ്മയ്ക്കും സഹോദരിക്കുമൊപ്പമായിരുന്നു ദീക്ഷിത് താമസിച്ചിരുന്നത്. ആത്മഹത്യാശ്രമം നടത്തിയ ദീക്ഷിത്തിനെ ആശുപത്രിയിൽ എത്തിച്ചപ്പോഴേക്കും മരിച്ചിരുന്നു. ചോരവാർന്നാണ് മരണം. ​ഹൈദരാബാദ് ​​ഗാന്ധി മെഡിക്കൽ കോളജിലെ വിദ്യാർഥിയായിരുന്നു ദീക്ഷിത് റെഡ്ഡി.

നാലുവർഷം മുമ്പ് ദീക്ഷിത് ആത്മഹത്യാശ്രമം നടത്തിയിരുന്നു. ഇതിനു ശേഷം വിഷാദരോ​ഗത്തിന് യുവാവ് ചികിൽസയിലായിരുന്നു. എന്നാൽ മരുന്ന് കഴിക്കുന്നത് നിർത്തിയതോടെയാണ് ഇപ്പോൾ വീണ്ടും ആത്മഹത്യാശ്രമം നടത്തിയതും ജീവൻ വെടിഞ്ഞതും.