അരിഷ്ടം കുടിച്ച് അഞ്ചുപേർ മരിച്ചു

30-Nov-2023

അരിഷ്ടം കുടിച്ച് ഗുജറാത്തിൽ അഞ്ചുപേർ മരിച്ചു. ഖേദ ജില്ലയിലാണ് രണ്ടുദിവസത്തിനിടെ അഞ്ചുപേർ ആയുർവേദ മരുന്നായ അരിഷ്ടം കുടിച്ചതിനെ തുടർന്ന് മരിച്ചത്. ഖേദ ജില്ലയിലെ നദിയാദിനു സമീപത്തെ ബിലോദര ഗ്രാമത്തിലെ കടയിൽ നിന്ന് അരിഷ്ടം വാങ്ങിക്കുടിച്ചവർക്കാണ് ജീവൻ നഷ്ടമായത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അമ്പതോളം പേരാണ് കടയിൽ നിന്ന് അരിഷ്ടം വാങ്ങി കുടിച്ചത്. ലഹരി കിട്ടുന്നതിനായി അരിഷ്ടത്തിൽ മായം കലർത്തിയിട്ടുണ്ടെന്നാണ് പൊലീസ് കണ്ടെത്തൽ. കടക്കാരനടക്കം മൂന്നുപേരെ പൊലീസ് കസ്റ്റഡിയിലെടുത്തിട്ടുണ്ട്. ഇവരെ ചോദ്യം ചെയ്തുവരികയാണ്.