അഡ്വഞ്ചർ ക്ലബ്ബ് ചെറുവാടിയുടെ കാരുണ്യ കൈനീട്ടം വീണ്ടും

നിലമ്പൂർ: അകമ്പാടം ഫോറസ്റ്റ് സ്റ്റേഷൻ പരിധിയിൽ പെടുന്ന കല്ലുണ്ടകോളനിയിലേയും നാല് സെൻ്റ് കോളനിയിലേയും ആദിവാസി കോളനിയിലേയും നിവാസികൾക്ക് ചെറുവാടി അഡ്വഞ്ചർ ക്ലബ്ബിൻ്റെ നേതൃത്വത്തിൽ ഭക്ഷ്യകിറ്റുകൾ വിതരണം ചെയ്തു അകമ്പാടംഫോറസ്റ്റ് ഡപ്യൂട്ടി റേഞ്ചർ വി കെ മുഹ്സിൻ അവർകളുടെ അഭ്യർഥന പ്രകാരമാണ് അഡ്വഞ്ചർ ക്ലബ്ബിന്റെ മാതൃകാ പ്രവർത്തനം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കൊടിയ മഴയെത്തുടർന്ന് പട്ടിണിയിലായിരുന്ന പ്രദേശത്തുകാർക്ക് ഫോറസ്റ്റ് ഉദ്യോഗസ്ഥരുടെ ഇടപെടലിനെത്തുടർന്ന് ഒരു മാസത്തേക്കുള്ള ഭക്ഷണ സാധനങ്ങൾ എത്തിക്കാൻ സാധിച്ചതിൽ ചാരിതാർഥ്യമുണ്ടന്ന് അഡ്വഞ്ചർ ക്ലബ്ബ് ചെറുവാടിയുടെ രക്ഷാധികാരി സലിം പാറക്കൽ പറഞ്ഞു. ഡപ്യൂട്ടി ഫോറസ്റ്റ് റേഞ്ചർ മുഹ്സിൻ വി കെ, സെക്ഷൻ ഫോറസ്റ്റ് ഓഫിസർമാരായ എം ശ്രീജിത്ത്, പി എൻ നിതിൻ ബീറ്റ്ഫോറസ്റ്റ് ഓഫിസർമാരായ എസ് വിപിൻ രാജ്, എ ഷാജി,കെ ഷിജ്ന, കെ അശ്വതി, കെ ആതിര, അഡ്വഞ്ചർ ക്ലബ്ബ് ഭാരവാഹികളായ, ലബീബ്, ഷാക്കിർ, സുൽത്താൻ ഷാ, അർഷദ്, അസീബ്, റാഷി ഓമശ്ശേരി എന്നിവർ പരിപാടിയിൽ സംബന്ധിച്ചു.