
ജിദ്ദ: ഇന്ത്യന് ഇസ്ലാഹി സെന്റര് ജിദ്ദയുടെ കീഴില് പ്രവര്ത്തിക്കുന്ന അല് ഹുദ മദ്റസയുടെ മുപ്പത്തിയഞ്ചാം വാര്ഷിക ആഘോഷത്തിന്റെ ഭാഗമായി സംഘടിപ്പിക്കുന്ന അല് ഹുദാ എക്സ്പോ മനുഷ്യ ജീവിത രഹസ്യങ്ങളുടെ ചുരുളഴിക്കുന്നു. മനുഷ്യ പിറവിയുടെ ആരഭം മുതല് മരണം വരെയുള്ള വഴികള് എക്സ്പോയില് പ്രദര്ശിപ്പിച്ചിട്ടുണ്ട്.
![]() |
|
വ്യാഴാഴ്ച്ച വൈകീട്ട് രാത്രി 7ന് ആരംഭിച്ച എക്സ്പോയില് വെള്ളി, ശനി ദിവസങ്ങളില് ഉച്ചയ്ക്ക് 2 മുതല് രാത്രി 10 വരെയാണ് സന്ദര്ശനത്തിന് അവസരം. എക്കോ എക്സ്പോ, ഹ്യൂമന് മിറാക്ള്, ഗോള്ഡന് ഏജ്, ദി ലൈഫ് എക്സ്പോ, ഖുര്ആന് മിറാക്ള്സ്, കാഴ്ച്ച, ആസ്ട്രോണമി, ഫണ്ഫെസ്റ്റ് ഗെയിം സോണ് എന്നീ വ്യത്യസ്ത പഠന വിനോദ വിഷയങ്ങള് അല് ഹുദ എക്സ്പോയുടെ ഭാഗമായി ഒരുക്കിയിട്ടുണ്ട്.
ജിദ്ദ ബാഗ്ദാദിയ ഡിസ്ട്രിക്ട്ലെ ഇന്ത്യന് ഇസ്ലാഹി സെന്റര് ജിദ്ദ അങ്കണത്തിലാണ് പ്രദര്ശനം. ഷെയ്ഖ് മുഹമ്മദ് മറസൂഖ് അല് ആരിഥി, ഹമ്മദ് മഹമൂദ് അല് ശിമംമ്റി എന്നിവര് ചേര്ന്ന് എക്സ്പോ ഉദ്ഘാടനം ചെയ്തു. ഇന്ത്യന് ഇസ്ലാഹി സെന്റര് ജിദ്ദയുടെയും അല് ഹുദാ മദ്റസയുടെയും ഭാരവാഹികള്, രക്ഷിതാക്കള്, വിദ്യാര്ത്ഥികള് എന്നിവര്ക്ക് പുറമെ ജിദ്ദയിലെ സാമൂഹ്യ, സാംസ്കാരിക മാധ്യമ രംഗത്തെ പ്രമുഖരും ഉദ്്ഘാടന ചടങ്ങില് സമ്പന്ധിച്ചു