അലിഗഢ് യൂണിവേഴ്‌സിറ്റി മലപ്പുറം സെൻ്ററിൽ ബിബിഎ പഠിക്കാം, 60 സീറ്റുകൾ: 24നു മുൻപ് അപേക്ഷിക്കണം

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മലപ്പുറം : അലിഗഢ് മുസ്‌ലിം യൂണിവേഴ്‌സിറ്റി മലപ്പുറം സെൻ്ററിൽ ഈ അധ്യയന വർഷം മുതൽ തുടങ്ങുന്ന ബി ബി എ കോഴ്സ് പ്രവേശനത്തിനുള്ള വിജ്‍ഞാപനം ഇറങ്ങി. സെന്ററിൽ വെച്ച് നടക്കുന്ന പ്രവേശന പരീക്ഷയുടെ അടിസ്ഥാനത്തിൽ 60 സീറ്റുകളിലേക്ക് ആണ് പ്രവേശനം.

2013-നു ശേഷം ആദ്യമായാണ് പുതുതായി ഒരു കോഴ്സ് മലപ്പുറം സെന്ററിൽ വരുന്നത്. മലപ്പുറം കേന്ദ്രത്തിൽ നിന്നും സമർപ്പിച്ച നാലുവർഷ ബി.എഡ് പ്രോ​ഗ്രാം, എൽ.എൽ.എം, എം.എഡ്, നാലുവർഷ ഡി​ഗ്രി പ്രോ​ഗ്രാമുകളും യൂണിവേഴ്സിറ്റിയുടെ വ്യത്യസ്ത ഫാകൽറ്റികളുടെ പരി​ഗണനയിലാണെന്ന് കേന്ദ്രം ഡയറക്ടർ ഫൈസൽ വ്യക്തമാക്കി. യൂണിവേഴ്സിറ്റിയുടെ കേന്ദ്രങ്ങളുടെയും വ്യകസനം മുൻ​ഗണനകളിൽ ഉൾപ്പെടുത്തിയ വൈസ് ചാൻസലർ പ്രഫസർ നഈമ ഖാതൂനിന് അദ്ദേഹം നന്ദി അറിയിച്ചു.യൂണിവേഴ്സിറ്റിയിലെ കൊമേഴ്സ് ഫാക്കൽറ്റിക്ക് കീഴിലാണ് ഇപ്പോൾ 4-വർഷ ബി.ബി.എ പ്രോ​ഗ്രാം തുടങ്ങുന്നത്. നിലവിൽ മാനേജ്മെന്റ് ഫാകൽറ്റിക്കു കീഴിൽ എം.ബി.എ പ്ര​ഗ്രാം, ലോ ഫാകൽറ്റിക്കു കീഴിൽ അഞ്ചു വർഷ ബി.എ.എൽ.ബി, സോഷ്യൽ സയൻസ് ഫാകൾട്ടിക്ക് കീഴിൽ ബി.എഡ് എന്നീ പ്രാ​ഗ്രാമുകൾ നടന്നു വരുന്നുണ്ട്.2025 ജൂലൈ 1 നു 24 വയസ്സ് പൂർത്തീകരിച്ചതയവർക്കും അതിനു താഴെ പ്രായമുള്ളവർക്കും അപേക്ഷ നൽകാവുന്നതാണ്. 850 രൂപയാണ് അപേക്ഷ ഫീസ് . ജൂലൈ 24 വരെ www.amucontrollerexams.com എന്ന വെബ്സൈറ്റിലൂടെ അപേക്ഷ നൽകാം.ആഗസ്റ്റ് 20 ന് മലപ്പുറം സെൻ്ററിൽ വെച്ചാണ് പ്രവേശന പരീക്ഷ നടക്കുക.പ്ലസ്ടു കൊമേഴ്സ്/സയൻസ്/ഹ്യൂമാനിറ്റീസ് / തത്തുല്യ യോഗ്യത പൂർത്തീകരിച്ച (50% മാർക്കിന് മുകളിൽ) ആർക്കും അപേക്ഷിക്കാവുന്നതാണ്. കൂടുതൽ വിവരങ്ങൾക്ക് 04933229299 എന്ന നമ്പറിൽ ബന്ധപ്പെടാം.

Applications can now be made for BBA course at Aligarh University Malappuram Center.