18
Sep 2026
Fri
ബെംഗളൂരു: ബെംഗളൂരു സിറ്റി ലോകായുക്ത ഒരുക്കിയ കെണിയില് കുടുങ്ങി സെന്ട്രല് ജിഎസ്ടി സൂപ്രണ്ട്. 8 ലക്ഷം രൂപ കൈക്കൂലി വാങ്ങുന്ന രംഗമാണ് ക്യാമറയില് കുടുങ്ങിയത്.
 |
|
Key Highlights
- കൈക്കൂലി: ബെംഗളൂരുവിൽ 8 ലക്ഷം രൂപ കൈക്കൂലി വാങ്ങുന്നതിനിടെ സെൻട്രൽ ജിഎസ്ടി സൂപ്രണ്ട് മോഹിത് പ്രതാപ് സിങ്ങിനെ ലോകായുക്ത പിടികൂടിയതായി അറിയിച്ചു.
- പരാതി: കുടിശ്ശികയായ സെൻട്രൽ ജിഎസ്ടിയുമായി ബന്ധപ്പെട്ട വ്യാജ പരാതി അവസാനിപ്പിക്കുന്നതിന് 8 ലക്ഷം രൂപ ആവശ്യപ്പെട്ടെന്നാണ് പരാതിക്കാരന്റെ ആരോപണം.
- ട്രാപ്പ് ഓപ്പറേഷൻ: ലോകായുക്ത ഉദ്യോഗസ്ഥർ ഒരുക്കിയ ട്രാപ്പിൽ ഇടനിലക്കാരൻ മുഖേന പണം സ്വീകരിക്കുന്നതിനിടെയാണ് ഉദ്യോഗസ്ഥൻ കുടുങ്ങിയത്.
- ഇടനിലക്കാരൻ: സൽമാൻ ഷെയ്ഖ് എന്ന സ്വകാര്യ വ്യക്തി ഇടപാടിൽ ഇടനിലക്കാരനായി പ്രവർത്തിച്ചെന്നാണ് ആരോപണം. ഇയാളെയും കേസിൽ പ്രതി ചേർത്തു.
- കേസ്: 2018ൽ ഭേദഗതി ചെയ്ത അഴിമതി നിരോധന നിയമത്തിലെ സെക്ഷൻ 7A പ്രകാരം കേസെടുത്തതായി ലോകായുക്ത അറിയിച്ചു. അന്വേഷണം തുടരുകയാണ്.
സൗത്ത് കമ്മീഷണറേറ്റിലെ സെന്ട്രല് ജിഎസ്ടി സൗത്ത് ഡിവിഷന്-4 സൂപ്രണ്ടായ മോഹിത് പ്രതാപ് സിങ് ആണ് കേസിലെ പ്രതിയെന്ന് തിരിച്ചറിഞ്ഞിട്ടുണ്ട്. കുടിശ്ശികയായ സെന്ട്രല് ജിഎസ്ടിയുമായി ബന്ധപ്പെട്ട വിഷയത്തിലും തനിക്കെതിരായ വ്യാജ പരാതിയെന്ന് ആരോപിച്ച കേസ് അവസാനിപ്പിക്കുന്നതിനുമായി സിങ് ഒരു വ്യവസായിയില് നിന്ന് 8 ലക്ഷം രൂപ ആവശ്യപ്പെട്ടെന്നാണ് ലോകായുക്ത പറയുന്നത്.
പരാതി അവസാനിപ്പിക്കാന് കൈക്കൂലി ആവശ്യപ്പെട്ടു
കുടിശ്ശികയായ സെന്ട്രല് ജിഎസ്ടിയുമായി ബന്ധപ്പെട്ട് തനിക്കെതിരെ നല്കിയ ”വ്യാജ പരാതി അവസാനിപ്പിക്കുന്നതിന്” 8 ലക്ഷം രൂപ ആവശ്യപ്പെട്ടതായി പരാതിക്കാരനായ സയ്യിദ് സമീര് ആരോപിച്ചതായി ലോകായുക്ത അറിയിച്ചു.
ALSO READ:10 മിനിറ്റിൽ വീട്ടിലെത്തുന്ന ഐഫോണിനായി ആളുകൾ എന്തുകൊണ്ട് രാത്രി മുഴുവൻ ക്യൂ നിൽക്കുന്നു?
പരാതി ലഭിച്ചതിനെ തുടര്ന്ന് ബെംഗളൂരു സിറ്റി ലോകായുക്ത ഉദ്യോഗസ്ഥര് ട്രാപ്പ് ഒരുക്കുകയായിരുന്നു. പണം ഒരു ഇടനിലക്കാരന് മുഖേന സ്വീകരിക്കുന്നതിനിടെയാണ് സിങ്ങിനെ പിടികൂടിയതെന്നാണ് ലോകായുക്തയുടെ വിശദീകരണം.
സല്മാന് ഷെയ്ഖ് എന്ന സ്വകാര്യ വ്യക്തി ഇടപാടില് ഇടനിലക്കാരനായി പ്രവര്ത്തിച്ചെന്നും ഇയാളെയും കേസില് പ്രതി ചേര്ത്തിട്ടുണ്ടെന്നും ലോകായുക്ത അറിയിച്ചു.
കൊറമംഗലയിലെ കേന്ദ്ര സദന് കെട്ടിടത്തിലെ സിങ്ങിന്റെ ചേംബറിനുള്ളില് വെച്ചാണ് കൈക്കൂലി സ്വീകരിച്ചതെന്നും ഇവിടെവെച്ചാണ് ട്രാപ്പ് ഓപ്പറേഷന് നടത്തിയതെന്നും ഉദ്യോഗസ്ഥര് പറഞ്ഞു.
2018ല് ഭേദഗതി ചെയ്ത അഴിമതി നിരോധന നിയമം, 1988ലെ സെക്ഷന് 7A എന്നിവ പ്രകാരം കേസെടുത്തിട്ടുണ്ട്. സംഭവത്തില് കൂടുതല് അന്വേഷണം പുരോഗമിക്കുകയാണെന്ന് ലോകായുക്ത അറിയിച്ചു.
Tags: Bengaluru, Bengaluru News, GST Officer, Central GST, GST Superintendent, Bribery, Bribe Case, Rs 8 Lakh Bribe, Lokayukta, Bengaluru Lokayukta, Corruption Case, Anti Corruption, Bribe Trap, Government Officer, Central GST Officer, Karnataka News, Bengaluru Crime News, Corruption News, Prevention of Corruption Act
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026