05
Sep 2026
Fri
കൊച്ചി: എറണാകുളം തൃക്കാക്കര ഭാരത് മാതാ കോളേജില് സഹപാഠികളായ പെണ്കുട്ടികളുടെയും അധ്യാപികമാരുടെയും ചിത്രങ്ങള് മോര്ഫ് ചെയ്ത് പ്രചരിപ്പിച്ച കേസില് അന്വേഷണത്തിന് പ്രത്യേക സംഘം(എസ്ഐടി) രൂപീകരിച്ചു. തൃക്കാക്കര സിഐയുടെ നേതൃത്വത്തിലാണ് എസ്ഐടി രൂപീകരിച്ചത്. സൈബര് പൊലീസ് അംഗങ്ങളും സംഘത്തിലുണ്ട്.
 |
|
സൈബര് കുറ്റകൃത്യങ്ങളില് വിശദമായ അന്വേഷണം ലക്ഷ്യമിട്ടാണ് സൈബര് പൊലീസിനെയും ഉള്പ്പെടുത്തി എസ്ഐടി രൂപീകരിച്ചത്. മോര്ഫ് ചെയ്ത ചിത്രങ്ങള് പ്രചരിപ്പിക്കുന്നതിന് പിന്നില് കൂടുതല് ആളുകള്ക്ക് പങ്ക് ഉണ്ടെന്നും ആരോപണമുണ്ട്. ഇതിലും അന്വേഷണം വ്യാപിപ്പിക്കും.
പരാതിയില് പൊലീസ് അറസ്റ്റ് ചെയ്ത കോളേജിലെ കെ.എസ്.യു നേതാവ് കൂടിയായ ശ്രീഹരി ടെലഗ്രാമിലൂടെ നഗ്നചിത്രങ്ങള് വിറ്റത് പണം വാങ്ങിയെന്ന് പൊലീസ് കണ്ടെത്തിയിരുന്നു. പണമിടപാടുകളുടെ വിവരങ്ങള് അന്വേഷണസംഘം പരിശോധിച്ചുവരികയാണ്. ഫോണ് ഫൊറന്സിക് പരിശോധനയ്ക്ക് അയക്കും.
ഫോണില് പകര്ത്തിയ ചിത്രങ്ങള് ടെലഗ്രാം ചാറ്റ് ബോട്ടിലേക്ക് അയക്കുകയും മോര്ഫ് ചെയ്ത ഫോട്ടോകള് ടെലഗ്രാമില് തിരിച്ച് അയച്ചതിന്റെയും തെളിവുകള് ഫോണ് പരിശോധിച്ചതില് നിന്നും ലഭിച്ചിട്ടുണ്ട്. പൊലീസ് അനുമതിയോടെ ശ്രീഹരിയുടെ ഫോണ് പരിശോധിച്ച വിദ്യാര്ത്ഥികളാണ് ഈ വിവരങ്ങള് കണ്ടെത്തിയത്. അധ്യാപകരുടെയും വിദ്യാര്ത്ഥികളുടെയും ചിത്രങ്ങള് പ്രചരിപ്പിക്കുന്നതിനായി പ്രത്യേക ഗ്രൂപ്പുകളും കണ്ടെത്തിയിട്ടുണ്ട്. നൂറുകണക്കിന് പെണ്കുട്ടികളുടെ ചിത്രങ്ങള് ഇയാള് ദുരുപയോഗം ചെയ്തിട്ടുണ്ട്.
ഇന്നലെയാണ് ശ്രീഹരിയെ തൃക്കാകര പൊലീസ് കസ്റ്റഡിയിലെടുത്തത്. ഭാരത് മാതാ കോളേജിലെ കെഎസ്യു മീഡിയ കമ്മിറ്റി അംഗമായിരുന്ന ശ്രീഹരിയെ സംഘടനയില് നിന്നും പുറത്താക്കിയതായി കെഎസ്യു അറിയിച്ചിരുന്നു. പ്രതിയായ വിദ്യാര്ത്ഥിയെ ഒന്നാം തീയതി തന്നെ പുറത്താക്കിയിരുന്നുവെന്നും പരീക്ഷ എഴുതിച്ചെന്ന ആരോപണം അടിസ്ഥാനരഹിതമാണെന്നും ഭാരത് മാതാ കോളേജ് പ്രിന്സിപ്പല് സൗമ്യ പ്രതികരിച്ചിരുന്നു.
Tags: Bharat Mata College, Morphing Case, Special Investigation Team, Thrikkakara Police, Cyber Crime Kerala, Srihari Morphing Case, Ernakulam News
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026