മരിച്ചുപോയ അമ്മയുടെ അടുത്തെത്താന്‍ 16 കാരന്‍ ജീവനൊടുക്കി; വഴികാട്ടിയത് സ്വപ്‌നമെന്ന് കുറിപ്പ്

മൂന്നുമാസം മുമ്പ് അമ്മ മരിച്ച 16കാരന്‍ ജീവനൊടുക്കി. കഴിഞ്ഞ ദിവസം കുട്ടിയുടെ സ്വപ്‌നത്തിലെത്തിയ അമ്മ തനിക്കരികിലേക്ക് വരാന്‍ മകനോട് ആവശ്യപ്പെടുകയും ഇതനുസരിച്ച് തൂങ്ങിമരിക്കുകയുമായിരുന്നു. മഹാരാഷ്ട്രയിലെ സോളാപുരിലാണ് സംഭവം. ശിവശരണ്‍ ഭുടാലി തല്‍കോടിയെന്ന വിദ്യാര്‍ഥിയാണ് ജീവനൊടുക്കിയത്. അമ്മാവന്‍ വീട്ടില്‍ വച്ചാണ് കുട്ടി തൂങ്ങിമരിച്ചത്. മഞ്ഞപ്പിത്ത ബാധയെ തുടര്‍ന്നായിരുന്നു ശിവശരണിന്റെ അമ്മ മൂന്നു മാസം മുമ്പ് മരിച്ചത്. ഇതിനു പിന്നാലെ കടുത്ത ദുഖത്തിലായിരുന്നു കുട്ടി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഞാന്‍ ശിവരണ്‍. എനിക്ക് ജീവിക്കണ്ടാത്തതിനാലാണ് മരിക്കുന്നത്. എന്റെ അമ്മ പോയപ്പോള്‍ ഞാനും പോവേണ്ടതായിരുന്നു. എന്നാല്‍ എന്റെ അമ്മാവന്റെയും മുത്തശ്ശിയുടെയും മുഖങ്ങള്‍ കണ്ടതിനാല്‍ എനിക്കതിനു കഴിഞ്ഞിരുന്നില്ല. ഇന്നലെ എന്റെ അമ്മ സ്വപ്‌നത്തില്‍ വന്നതാണ് എന്റെ മരണ കാരണം. അമ്മ എന്നോട് എന്താണ് വല്ലാതെ അസ്വസ്ഥമായിരിക്കുന്നതെന്നു ചോദിക്കുകയും കൂടെച്ചെല്ലാന്‍ ആവശ്യപ്പെടുകയും ചെയ്തു. എന്നെ ഒരുപാട് പിന്തുണച്ചതിനാല്‍ അമ്മാവനോടും അമ്മൂമ്മയോടും ഒരുപാട് നന്ദിയുണ്ട്. അവര്‍ എന്നെ ഏറെ ലാളിച്ചിരുന്നു. എന്നാണ് കുട്ടിയുടെ ആത്മഹത്യാകുറിപ്പില്‍ വ്യക്തമാക്കിയിട്ടുള്ളത്.