പത്തനംതിട്ടയിൽ ആളുമാറി സംസ്കരിച്ച മൃതദേഹം പുറത്തെടുത്തു

പ​ത്ത​നം​തി​ട്ടയിൽ ആളുമാറി സം​സ്ക​രി​ച്ച മൃ​ത​ദേ​ഹം പു​റ​ത്തെ​ടു​ത്തു. റാ​ന്നി ത​ഹ​സി​ൽ​ദാ​റു​ടെ നേ​തൃ​ത്വ​ത്തി​ലാ​യി​രു​ന്നു ന​ട​പ​ടി. ര​ണ്ട് ദി​വ​സം മൃ​ത​ദേ​ഹം പൊലീ​സ് ക​സ്റ്റ​ഡി​യി​ൽ സൂ​ക്ഷി​ക്കും. തു​ട​ർ​ന്നു പൊലീ​സ് പ​ത്ര​പ​ര​സ്യം ന​ൽ​കും. ബ​ന്ധു​ക്ക​ൾ എ​ത്തി​യില്ലെങ്കിൽ ഡി​എ​ൻ​എ സാംപിളുക​ൾ ശേ​ഖ​രി​ച്ച ശേ​ഷം മൃ​ത​ദേ​ഹം പൊ​തു​ശ്മ​ശ​ന​ത്തി​ൽ മ​റ​വു​ചെ​യ്യും.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ക​ഴി​ഞ്ഞ ഡി​സം​ബ​ർ 30നാണ് ​നി​ല​യ്ക്ക​ലി​നും ഇ​ല​വു​ങ്ക​ലി​നും മ​ധ്യേ വ​ന​ത്തി​നു​ള്ളി​ൽ ആ​ര്യാ​ട്ടു​ക​വ​ല​യി​ൽ റോ​ഡ​രി​കി​ൽ അജ്ഞാത മൃ​ത​ദേ​ഹം കണ്ടെത്തിയത്. എന്നാലിത് മ​ഞ്ഞ​ത്തോ​ട് ആ​ദി​വാ​സി കോ​ള​നി​യി​ൽ രാ​മ​ൻ ബാ​ബു(75)​വിൻറേ​താ​ണെ​ന്നു തെ​റ്റി​ദ്ധ​രി​ച്ച് കുടുംബം ഏറ്റുവാങ്ങുകയും പോസ്റ്റ്മോർട്ടത്തിനു ശേശം സംസ്കരിക്കുകയുമായിരുന്നു.

സംസ്കാരം കഴിഞ്ഞ് ആറുദിവസത്തിനുശേഷം രാ​മ​ൻ ബാ​ബു ബന്ധുവിനൊപ്പം വീട്ടിൽ മ​ട​ങ്ങി​വ​ന്ന​തോ​ടെ​യാ​ണ് വിവരം പുറത്തറിയുന്നത്. ഏ​ഴ് മ​ക്ക​ളാ​ണ് രാ​മ​ൻ ബാ​ബു​വി​നു​ള്ള​ത്. ഇവർ ഏവരും വനത്തിൽ നിന്നു കിട്ടിയ മൃതദേഹം അ​ച്ഛ​ൻറേ​താ​ണെന്നു സ്ഥി​രീ​ക​രി​ക്കു​ക​യും പോ​ലീ​സ് ന​ട​പ​ടി​ക​ൾ പൂ​ർ​ത്തി​യാ​ക്കി മ​ണ​ത്ത​റ മ​ഞ്ഞ​ത്തോ​ട് കോ​ള​നി​യി​ലെ​ത്തി സം​സ്‌​ക​രി​ക്കു​ക​യും ചെ​യ്തു. ഹൃ​ദ​യാ​ഘാ​ത​മാ​ണ് മരണകാരണമെന്ന് പോ​സ്റ്റ്മോ​ർ​ട്ട​ത്തി​ൽ കണ്ടെത്തിയിരുന്നു. ഇനി മരിച്ചയാൾ ആരാണെന്ന് കണ്ടെത്താനുള്ള ശ്രമത്തിലാണ് പൊലീസ്.

News Tag Live യുട്യൂബ് ചാനല്‍ Subscribe ചെയ്യുക